லங்காசிறி FM
யாழில் கடலட்டைப் பண்ணை அமைப்பதற்கு கடற்றொழிலாளர்கள் கடும் எதிர்ப்பு (Photos)
யாழ்.அராலி பகுதியில் கடலட்டைப் பண்ணை அமைப்பதற்கு அங்குள்ள கடற்றொழிலாளர்கள் கடுமையான எதிர்ப்பினை வெளியிட்டுள்ளனர். ஏனைய பகுதிகளில் கடலட்டைப்பண்ணைகளால் பாதிக்கப்பட்ட கடற்றொழிலார்ளுக்கு ஆதரவாகவும் குரல் கொடுத்துள்ளனர்.
இது தொடர்பில் கடற்றொழிலாளர்கள் கருத்து தெரிவிக்கையில்,
நாங்கள் கடற்றொழிலினையே வாழ்வாதாரமாக கொண்டு வாழ்க்கையை நடாத்தி வருகின்றோம். தற்கால பொருளாதார நெருக்கடியால் நாங்கள் மிகவும் பாதிக்கப்பட்டுள்ளோம்.
இடமளிக்கவும் மாட்டோம்
நாங்கள் பாதிக்கப்பட்டு இருக்கும்போது கடலட்டைப் பண்ணை அமைப்பது என்பது "பனையால் வீழ்ந்தவனை மாடேறி மிதிப்பது" போலாகும்.
கடந்த சில நாட்களுக்கு முன்னர் இங்கே வருகை தந்த சிலர் கடலட்டைப் பண்ணை அமைப்பதற்காக பார்வையிட்டுச் சென்றுள்ளர்.
எமது கடலில் இவ்வாறு கடலட்டைப் பண்ணை அமைக்கும் முயற்சியினை நாங்கள் வன்மையாகக் கண்டிக்கிறோம். அத்துடன் இவ்வாறான செயற்பாட்டிற்கு இடமளிக்கவும் மாட்டோம்.
எங்களது கடல் சிறிய கடல். இந்தக் கடலில் பருவகாலத்திற்கு தான் நாங்கள் சிறப்பான கடற்றொழில் நடவடிக்கைகளில் ஈடுபட்டு வருகின்றோம். மற்றைய வேளைகளில் சாதாரண அளவிலேயே எமது கடற்றொழில் நடவடிக்கைகள் அமைகின்றன.
கடல்வாழ் உயிரினங்களுக்கு அழிவு
இது இவ்வாறு இருக்கையில் கடலட்டைப் பண்ணைகள் இங்கே அமைத்தால் கடலில் உள்ள வளங்கள் அழியும் சந்தர்ப்பம் உள்ளது.
இறால், நண்டு, மீன் இனங்கள் போன்றன கடற்கரையோரங்களில் தான் இனப்பெருக்கம் செய்கின்றன. இந்நிலையில் கரையோரங்களில் கடலட்டைப் பண்ணைகளை நிறுவுவதால் கடல்வாழ் உயிரினங்களின் இனப்பெருக்கம் பாதிக்கப்படும்.
கடல்வாழ் உயிரினங்கள் நீரோட்டத்தில் செல்ல முடியாத நிலை காணப்படுகிறது. கடல்வாழ் உயிரினங்கள் அழிந்தால் எமது வாழ்வாதாரம் பாதிக்கப்படும்.
எனவே தயவுசெய்து எங்களது வயிற்றில் அடிக்காதீர்கள். எங்களை வாழ விடுங்கள்.
தம்பாட்டி, பூநகரி போன்ற கடல்கள் உட்பட பல கடற்பகுதிகளில் கடலட்டைப் பண்ணைகள் அமைத்ததனால் அப்பகுதி மக்களது வாழ்வாதாரம் பாதிக்கப்பட்டுள்ளது.
இந்நிலையில் கடலட்டை பண்ணை அமைப்பதற்கு எதிராக பல நாட்களாக போராட்டம் செய்து வருகின்ற நிலையிலும் கடற்றொழிலாளர்களின் குரல்களுக்கு செவிசாய்ப்பவர்கள் யாருமில்லை. இவர்களுக்கு ஏற்பட்டுள்ள இந்நிலையை எண்ணி வருந்தி எங்களது ஆதரவுகளை தெரிவிக்கின்றோம்.
எரிபொருள் பிரச்சினை எமக்கு பாரியதொரு பிரச்சினையாக காணப்படுகின்ற நிலையில் இவ்வாறான கடலட்டைப் பண்ணைகள் எமக்கு புதிய ஒரு தலையிடியாக மாறியுள்ளது.
எனவே உரிய தரப்பினர் கடற்றொழிலாளர்ளின் நிலையை கருத்தில் கொண்டு மிக விரைவில் இதற்கு ஒரு தீர்வினை வழங்க வேண்டும் என்றும் தெரிவித்துள்ளனர்.
you may like this video
ஈழத்தமிழர் மீது நடத்தப்படும் போதைப்பொருள் யுத்தம் 23 மணி நேரம் முன்
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
நயினாதீவு 5ம் வட்டாரம், நயினாதீவு 2ம் வட்டாரம், கோண்டாவில், Toronto, Canada, Montreal, Canada, London, United Kingdom
04 Dec, 2025
மன்னார், கொழும்பு, யாழ்ப்பாணம், மிருசுவில், கனடா, Canada
14 Dec, 2020
