போலி கணக்குகளை பயன்படுத்தி QR குறியீடு மோசடி! உத்தியோகபூர்வ வலைத்தளம் தொடர்பில் பொதுமக்களுக்கு எச்சரிக்கை

Fuel Price In Sri Lanka Sri Lankan Peoples Sri Lanka Fuel Crisis National Fuel Pass

By Dhayani Mar 16, 2026 02:17 PM GMT

Dhayani

in சமூகம்

Report

புதிய இணைப்பு

போலி எரிபொருள் QR குறியீடு மற்றும் போலி இணைய முகவரிகள் இணையத்தில் பரவுவது குறித்து பொதுமக்கள் எச்சரிக்கையாக இருக்குமாறு இலங்கை கணினி அவசரகால பதிலளிப்பு மன்றம் (SCERF)எச்சரித்துள்ளது.

தேசிய எரிபொருள் அங்கீகார முறைமைக்கான அணுகலை வழங்குவதாகக் கூறி, மோசடியாக உருவாக்கப்பட்ட போலி வலைத்தள முகவரி தற்போது பல சமூக ஊடக தளங்கள் மற்றும் இணைய செய்தி சேவைகளில் பரவி வருவதாக அந்த அமைப்பு தெரிவித்துள்ளது.

பொதுமக்களுக்கு கடுமையாக அறிவுறுத்தல்

இந்த மோசடி பயனர்களை தவறாக வழிநடத்தவும் தனிப்பட்ட அல்லது நிதித் தகவல்களைப் பெறவும் முயற்சிக்கும் இணைய மோசடியின் ஒரு பகுதியாக அடையாளம் காணப்பட்டுள்ளது.

போலி கணக்குகளை பயன்படுத்தி QR குறியீடு மோசடி! உத்தியோகபூர்வ வலைத்தளம் தொடர்பில் பொதுமக்களுக்கு எச்சரிக்கை | Srilanka Fuel Pass Qr Coad Issue

சமூக ஊடகங்களில் வெளியிடப்பட்ட அதிகாரப்பூர்வமற்ற வலைத்தளங்கள் அல்லது பிற அறியப்படாத இணைப்புகளை ஸ்கேன் செய்யவோ அல்லது கிளிக் செய்யவோ வேண்டாம் என்று இந்த அமைப்பு பொதுமக்களுக்கு கடுமையாக அறிவுறுத்தியுள்ளது.

இந்த மோசடி QR குறியீடு ஸ்கேனர்கள் வங்கிக்கணக்கு தகவல், தனிப்பட்ட தகவல்கள் போன்றவற்றைத் திருடும் முயற்சிக்கும் வழிவகுக்கும் அபாயமும் உள்ளதாகவும், பொதுமக்கள் விழிப்புடன் இருக்குமாறும் எச்சரிக்கப்பட்டுள்ளனர்.

முதலாம் இணைப்பு

தேசிய எரிபொருள் அனுமதி முறையின் கீழ் வழங்கப்படும் எரிபொருள் QR குறியீடுகளை பலர் போலியான தகவல்களை பயன்படுத்தி உருவாக்கியுள்ளமை கண்டறியப்பட்டுள்ளதாக இலங்கை பெட்ரோலியக் கூட்டுத்தாபனத்தின் நிர்வாக பணிப்பாளர் மயூர நெத்திகுமாரகே தெரிவித்துள்ளார்.

இன்று (16) காலை இடம்பெற்ற ஊடக சந்திப்பில் அவர் இதனை தெரிவித்துள்ளார்.மேலும் தெரிவிக்கையில்,

QR அமைப்பு மூலம் எரிபொருள் விநியோகம்

மேலும், QR அமைப்பு மூலம் எரிபொருளை விநியோகிக்க எடுக்கப்பட்ட நடவடிக்கைகள் காரணமாக, சில தரப்பினர் போலி கணக்குகளைப் பயன்படுத்தி தகவல்களைச் சேகரிப்பதாக தெரியவந்துள்ளது.

இதற்கிடையில், பெட்ரோலிய கூட்டுத்தாபனத்தில் பெயரில் உருவாக்கப்பட்ட போலி கணக்குகளை நாங்கள் கண்டறிந்துள்ளோம், மேலும் அந்தக் கணக்குகளிலிருந்து பல்வேறு தரவுகளைச் சேகரிக்க முயற்சிக்கிறோம்.

சிலர் அனைத்து தகவல்களையும் எடுத்துக்கொண்டு மற்றவர்களின் பெயர்களில் QR குறியீடுகளை உருவாக்க முயற்சிக்கின்றனர்.

அதனால்தான் fuelpass.gov.lk என்ற வலைத்தளத்தைத் தவிர வேறு எந்த வலைத்தளத்தையும் நாங்கள் வெளியிடவில்லை என்பதினை அறிவிக்கின்றோம்.

அரசாங்கத்தால் அறிமுகப்படுத்தப்பட்ட வலைத்தளம்

அரசாங்கத்தால் அறிமுகப்படுத்தப்பட்ட வலைத்தளத்தைத் தவிர வேறு எந்த வலைத்தளம் அல்லது பிற தரப்பினருக்கும் தகவல்களை வழங்குவதைத் தவிர்க்க வேண்டும் என்றும் சுட்டிக்காட்டியுள்ளார்.

மோசடி நபர்கள் ஏற்கனவே அத்தகைய தகவல்களைப் பெற்று QR குறியீடுகளைத் தயாரிப்பதாகப் முறைப்பாடு வழங்கப்பட்டுள்ளது.

அத்தகைய தவறான தகவல்களை வழங்குவதன் மூலம், குறித்த நபர்கள் மீண்டும் QR குறியீடுகளைத் தயாரிக்கும் வாய்ப்பையும் இழப்பார்கள் என்றும் அவர் எச்சரித்துள்ளார்.

மேலும் இன்று (16) காலை 10.00 மணிக்கு கொழும்பு துறைமுகத்திற்கு மேலும் ஒரு கப்பல் வந்தது. இந்த நேரத்தில், எங்கள் அதிகாரிகள் கப்பலில் ஏறி மாதிரிகளை சோதனை செய்து வருகின்றனர்.

இன்றே எரிபொருளை இறக்குவதற்கான ஏற்பாடுகள் செய்யப்பட்டுள்ளன.இன்று வந்த டேங்கரில் 18,000 மெட்ரிக் டொன் டீசல், 17,000 மெட்ரிக் டொன் பெட்ரோல் மற்றும் 3,000 மெட்ரிக் டன் சூப்பர் டீசல் இருப்பதாகவும் அவர் கூறியுள்ளார்.

டிப்போக்களுக்கான எரிபொருள் விநியோகம்

ஆர்டர் செய்யப்பட்ட அனைத்து கப்பல்களும் தற்போது நாட்டை வந்து சேர்வதாகவும், நிரப்பு நிலையங்களிலிருந்து பெறப்பட்ட ஆர்டர்களை விநியோகிக்க நடவடிக்கை எடுக்கப்பட்டுள்ளதாகவும் அவர் சுட்டிக்காட்டியுள்ளார். மேலும், ஆர்டர் செய்த கப்பல்கள் வழக்கம் போல் கொழும்புக்கு வர உள்ளன.

கூடுதலாக, இன்றைய நிலவரப்படி, CPC-க்கு 616 ஆர்டர்களும், LIOC-க்கு 204 ஆர்டர்களும், சினோபேக்கிற்கு 247 ஆர்டர்களும், RM பார்க்கிற்கு 248 ஆர்டர்களும் வந்துள்ளன.

அதன்படி, அனைத்து இடங்களுக்கும் ஆர்டர்களை விநியோகித்துள்ளோம். அதன்படி, டிப்போக்களுக்கான எரிபொருள் காலை பவுசர் மூலம் அனுப்பப்பட்டுள்ளது என்றும் குறிப்பிட்டுள்ளார்.