லங்காசிறி FM
இலங்கையர்களுக்கு வெளியான மகிழ்ச்சி தகவல்! அடுத்த வாரம் முதல் ஸ்டார்லிங்க் சேவை ஆரம்பம்
இலங்கையில் எலான் மஸ்க்கிற்கு(Elon Musk) சொந்தமான செயற்கைக்கோள் இணைய சேவை நிறுவனமான ஸ்டார்லிங்க் (Starlink) சேவையை அடுத்த வாரம் தொடங்கவுள்ளதாக இலங்கை தொலைத்தொடர்பு ஒழுங்குமுறை ஆணையம் (TRCSL) அறிவித்துள்ளது.
TRCSL பொது இயக்குநராக பணியாற்றும் ஓய்வுபெற்ற விமான படை அதிகாரி பந்துல ஹேரத் இதனை தெரிவித்துள்ளார்.
ஸ்டார்லிங்க்
மேலும் தெரிவித்த அவர்,
முதற்கட்டமாக 12 பயனாளர்கள் தேர்வு செய்யப்பட்டுள்ளனர். அவர்களுக்கு தேவையான சாதனங்கள் இவ்வாரமே விநியோகிக்கப்பட்டுள்ளன. தற்போது வரை மொத்தமாக 112 ஸ்டார்லிங்க் சாதனங்கள் நாட்டுக்கு இறக்குமதி செய்யப்பட்டுள்ளன.
இந்த சேவை அறிமுகப்படுத்தும் தொடக்கத்தின்போது, TRCSL மற்றும் பாதுகாப்பு அமைச்சகம் இணைந்து சேவையின் தரத்தையும் தேசிய பாதுகாப்பு தொடர்பான அம்சங்களையும் ஒரு வாரத்துக்குப் பரிசோதனை செய்யவுள்ளனர்.
இந்த பரிசோதனையின் பின், ஸ்டார்லிங்க் தனது வணிகச் சேவைகளை அதிகாரப்பூர்வமாக ஆரம்பிக்கும்.
பாதுகாப்பு நெருக்கடிகள்
ஸ்டார்லிங்க் நிறுவனம், 2024 ஒகஸ்ட் மாதம், இலங்கையின் தொலைத்தொடர்பு சட்டத்தில் திருத்தம் செய்து செயற்கைக்கோள் இணைய சேவையை அனுமதித்த பின்னர், ஒழுங்குமுறை அனுமதியைப் பெற்றது.
இந்நிறுவனத்துக்கு எதிராக அதிகாரபூர்வ அரச மட்டங்களில் விமர்சனமும் எழுந்துள்ளது.
கடந்த மே மாதத்தில், ஜனாதிபதி அநுர குமார திஸாநாயக்க, ஸ்டார்லிங்க் உடன் மேற்கொண்ட ஆரம்ப ஒப்பந்தத்தின்போது தேசிய பாதுகாப்பு நெருக்கடிகள் இருப்பதாக தெரிவித்திருந்தார்.
இணைய சேவை
அரசாங்கத்திற்கு பயனாளர்களின் தகவல்களைப் பெற முடியாத நிலை, உள்ளூர் தொலைத்தொடர்பு நிறுவனங்களுடன் ஒப்பிடுகையில் கவலைக்குரியதாக இருக்கிறது என்றும் அவர் குறிப்பிட்டார்.
ஸ்டார்லிங்க், SpaceX நிறுவனத்தால் இயக்கப்படுகிறது மற்றும் நிலத்திலிருந்து குறைந்த தூரத்தில் உள்ள(Low Earth Orbit) ஆயிரக்கணக்கான செயற்கைக்கோள்கள் மூலம் உயர் வேக இணைய சேவையை வழங்குகிறது.
இது, இணைய வசதியற்ற குறுகிய மற்றும் கிராமப்புற பகுதிகளுக்கு மிகவும் பயனுள்ளதாக இருக்கிறது. தற்போது உலகம் முழுவதும் சுமார் 100 நாடுகளில் இந்த சேவை செயலில் உள்ளமை குறிப்பிடத்தக்கது.
16 ஆண்டுகால ஐ.நா மைய அரசியல்: பெற்றவை? பெறாதவை...... 9 மணி நேரம் முன்
பிரித்தானியாவில் ட்ரம்பின் வரலாற்று சிறப்புமிக்க பயணம்: கேட்டைப் பார்த்து அவர் கூறிய வார்த்தை News Lankasri
நந்தினியால் ஜனனிக்கு ஏற்பட்ட பிரச்சனை, ரவுண்டு கட்டிய குணசேகரன் ஆட்கள்.. எதிர்நீச்சல் தொடர்கிறது புரொமோ Cineulagam
உலகின் சக்தி வாய்ந்த கண்டம் விட்டு கண்டம் பாயும் ஏவுகணைகள் - முதலிடத்தில் உள்ள நாடு எது? News Lankasri
7ஆம் அறிவு படத்தில் வில்லனாக நடித்த இந்த நடிகரை நினைவிருக்கிறதா? இப்போது எப்படி இருக்கிறார் தெரியுமா, இதோ பாருங்க Cineulagam
முள்ளியான், துன்னாலை, வல்வெட்டி, துணுக்காய், கொழும்பு, வவுனியா
20 Sep, 2015
கொக்குவில், Muscat, Oman, தாவடி, கொழும்பு, Melbourne, Australia
12 Sep, 2025
