லங்காசிறி FM
இலங்கையில் ஒரே மாதத்தில் உச்சம்தொட்ட எரிபொருள் விலை! விற்பனையும் இரட்டிப்பாக உயர்வு
எரிபொருள் நெருக்கடியால் ஏற்பட்ட எரிபொருள் வரிசைகளின் காரணமாக நாட்டில் தினசரி எரிபொருள் விற்பனை இரண்டு மடங்கு அதிகரித்துள்ளது.
இந்த மாதத்தின் (மார்ச்) 1 ஆம் திகதி முதல் 19 ஆம் திகதி வரையிலான பத்தொன்பது நாட்களில், நாட்டில் சராசரி தினசரி எரிபொருள் விற்பனை கிட்டத்தட்ட இரண்டு மடங்கு அதிகரித்துள்ளது.
எரிபொருள் விற்பனை உயர்வு
இதற்கமைய, 19 ஆம் திகதி, லங்கா ஒக்டேன் 92 பெட்ரோல் விற்பனை 133 சதவிகிதமும், லங்கா ஆட்டோ டீசல் விற்பனை 151 சதவிகிதமும், லங்கா சூப்பர் டீசல் விற்பனை 181 சதவிகிதமும், ஒக்டேன் 95 பெட்ரோல் விற்பனை 161 சதவிகிதமும் மற்றும் மண்ணெண்ணெய் விற்பனை 172 சதவிகிதமும் அதிகரித்துள்ளது.
நாட்டில் ஒக்டேன் 92 பெட்ரோலின் சராசரி தினசரி விற்பனை 4045 மெட்ரிக் டன்களாகும். லங்கா ஆட்டோ டீசலின் தினசரி விற்பனை 4880 மெட்ரிக் டன்களாகும்.
இதேபோல், ஒக்டேன் 95 பெட்ரோல், லங்கா சூப்பர் டீசல் மற்றும் லங்கா மண்ணெண்ணெய் ஆகியவற்றின் தினசரி விற்பனை முறையே 231, 176 மற்றும் 394 மெட்ரிக் டொன்களாகும்.
இருப்பினும், மார்ச் 2 அன்று, எண்ணெய் வரிசைகளின் போது, லங்கா ஒக்டேன் 92 பெட்ரோல் விற்பனை 209 சதவீதம் அதிகரித்து 8471 மெட்ரிக் டொன்னாக உயர்ந்தது.
டீசல் விற்பனை
லங்கா ஆட்டோ டீசல் விற்பனை 177 சதவீதம் அதிகரித்து 8615 மெட்ரிக் டொன்னாக இருந்தது. இதேபோல், அன்றைய தினம், லங்கா ஒக்டேன் 95 பெட்ரோல் விற்பனை 628 மெட்ரிக் டன்னாகவும், லங்கா சூப்பர் டீசல் விற்பனை 288 மெட்ரிக் டொன்னாகவும் மற்றும் மண்ணெண்ணெய் விற்பனை 477 மெட்ரிக் டொன்னாகவும் முறையே 272, 164 மற்றும் 121 சதவீதம் அதிகரித்தது.
இதேபோல், அடுத்த (03ஆம் திகதி) ஒக்டேன் 92 பெட்ரோல் விற்பனை 7477 மெட்ரிக் டொன்னாகவும் (185%), லங்கா ஆட்டோ டீசல் விற்பனை 8182 மெட்ரிக் டொன்னாகவும் (186%), லங்கா சூப்பர் டீசல் விற்பனை 355 மெட்ரிக் டொன்னாகவும் (202%), ஒக்டேன் 95 பெட்ரோல் விற்பனை 559 மெட்ரிக் டொன்னாகவும் (242%) மற்றும் மண்ணெண்ணெய் விற்பனை 616 மெட்ரிக் டொன்னாகவும் (156%) அதிகரித்தது.
இதனையடுத்து மார்ச் 5ஆம் திகதியன்று, லங்கா சூப்பர் டீசல் விற்பனை 295 சதவீதமும், மண்ணெண்ணெய் விற்பனை 262 சதவீதமும் அதிகரித்துள்ளது.
ஆழ்கடலின் ஆழத்தில் புதைந்துள்ள ஈழத்தமிழர் விடுதலை.. 11 மணி நேரம் முன்
