வளைகுடா பதற்றத்தால் பேரிழப்பை சந்திக்கும் இலங்கை - கேள்விக்குறியாகியுள்ள முக்கிய வருவாய் துறை

மத்திய கிழக்கில் நீடித்து வரும் மோதல் உலக சுற்றுலா துறையில் பெரும் தாக்கத்தை ஏற்படுத்தியுள்ள நிலையில், இலங்கையிலும் பாரிய பொருளாதார சிக்கலை ஏற்படுத்தியுள்ளதாக ஆய்வுகள் தெரிவிக்கின்றன. 

தற்போதைய நிலவரப்படி, இலங்கை தினசரி சுமார் 5 இலட்சம் அமெரிக்க டொலர்கள் வருவாயை இழக்கக்கூடும் என கணிக்கப்பட்டுள்ளது.

இதற்கு முக்கிய காரணமாக வெளிநாட்டு சுற்றுலாப் பயணிகளின் வருகை குறைந்திருப்பது சுட்டிக்காட்டப்பட்டுள்ளது. 

இலங்கை சுற்றுலா அபிவிருத்தி அதிகார சபை வெளியிட்ட தகவலின்படி, தினசரி 2,500 முதல் 3,000 வரை சுற்றுலாப் பயணிகள் குறைவு பதிவாகியுள்ளது. 

இலங்கையில் மின்வெட்டு தொடர்பில் அரசு வெளியிட்டுள்ள அறிவிப்பு

5 இலட்சம் அமெரிக்க டொலர்கள் 

மார்ச் முதல் 8 நாட்களில் 47,646 பேர் மட்டுமே வருகை தந்துள்ளனர். 2025ஆம் ஆண்டுடன் ஒப்பிடுகையில் 30 வீத வீழ்ச்சி ஏற்பட்டுள்ளது.

இந்த வருகை குறைவு நேரடியாக மத்திய கிழக்கு பதற்றத்தால் விமான போக்குவரத்து மற்றும் பயண திட்டங்களில் ஏற்பட்ட மாற்றங்களால் ஏற்பட்டதாக சுட்டிக்காட்டப்பட்டுள்ளது. 

சுற்றுலா துறை இலங்கையின் முக்கிய வருவாய் ஆதாரங்களில் ஒன்றாகும். ஆனால் தற்போதைய நிலைமை காரணமாக,

தினசரி சுமார் 5 இலட்சம் டொலர் இழப்பு, நீண்ட காலத்தில் பொருளாதாரத்தில் பாதிப்பு அதிகரிக்கும் அபாயம், என்பன நிலவும் நிலையில், பொருளாதார நிபுணர்கள் இதை கடுமையான எச்சரிக்கை எனக் கருதுகின்றனர்.

மேலும், மத்திய கிழக்கு வான்வெளி மூடப்பட்டதால், விமான சேவைகளிலும் மாற்றங்கள் ஏற்பட்டுள்ளன.

குிப்பாக, SriLankan Airlines தற்போது, ஐரோப்பா நோக்கி செல்லும் விமானங்களை ஆப்கானிஸ்தான் மற்றும் அசர்பைஜான் வழியாக மாற்றியுள்ளது.

இலங்கையில் அறிவிக்கப்பட்டுள்ள விசேட அரச விடுமுறை தினங்களில் நடைமுறைக்கு வரும் தடை

பொருளாதார நெருக்கடி 

இதன் விளைவாக, நீண்ட பயண நேரம், அதிக கட்டணம், பயணிகள் எண்ணிக்கை குறைவு என்பன ஏற்பட்டுள்ளன.

இதற்கிடையில், 2025இல் இலங்கை சுற்றுலாத் துறை சிறப்பான வளர்ச்சியைப் பெற்றது. 2.36 மில்லியன் சுற்றுலாப் பயணிகளின் வருகை மற்றும் 3.2 பில்லியன் டொலர் வருவாய் என பதிவு செய்திருந்தது. 

2024ஆம் ஆண்டுடன் ஒப்பிடுகையில் 15.1வீத அதிகரிப்பு கடந்த ஆண்டில் பதிவாகியிருந்தது. ஆனால் வருவாய் உயர்வு வெறும் 1.6வீதம்  மட்டுமே கிடைத்திருந்தது. இது சுற்றுலாப் பயணிகளின் செலவு குறைந்திருப்பதை காட்டுவதாக நிபுணர்கள் தெரிவிக்கின்றனர். 

இந்நிலையில், தற்போதைய நெருக்கடியை சமாளிக்க, இலங்கை,இயற்கை சுற்றுலா (Eco-tourism), கலாசார சுற்றுலா ஆரோக்கிய சுற்றுலா (Wellness tourism) போன்ற துறைகளில் கவனம் செலுத்தி வருகின்றது. 

இவ்வாறிருக்கையில், இலங்கை சுற்றுலா துறையின் எதிர்காலம், மத்திய கிழக்கு மோதல் முடிவிற்கு வருதல் மற்றும் உலக பயண நிலைமை சீராகுதல் இவற்றின் மீது பெரிதும் சார்ந்துள்ளது எனவும் அவர்கள் குறிப்பிடுகின்றனர். 

எனவே, இலங்கை சுற்றுலா துறை தற்போது, குறுகிய கால அதிர்ச்சி, நீண்ட கால மாற்ற சவால் என இரட்டை அழுத்தத்தை சந்திக்கிறது.

தினசரி 5 இலட்சம் டொலர்கள் இழப்பு கவலைக்கிடமானதாக இருந்தாலும், மாற்றத்திற்கேற்ப செயல்பட்டால் மீண்டும் வளர்ச்சி சாத்தியம் உள்ளது என பொருளாதார நிபுணர்கள் சுட்டிக்காட்டியுள்ளனர். 

நாட்டிற்கு மீண்டும் எரிபொருள் கிடைப்பதில் பெரும் சிக்கல்! மோசடி தொடர்பில் விடுக்கப்பட்டுள்ள கடும் எச்சரிக்கை