இலங்கைக்கு பெருமளவு அந்நிய செலவணியை ஈட்டும் துறைக்கு ஆபத்து

இலங்கையின் சுற்றுலாத்துறை அடுத்த வருடம் பாரிய நெருக்கடியை சந்திக்கும் அபாயம் காணப்படுவதாக சுற்றுலா அபிவிருத்தி அதிகார சபை தெரிவித்துள்ளது.

இம்மாதம் 31ஆம் திகதியுடன் சுற்றுலாத் தொழிலில் ஈடுபட்டுள்ளவர்களுக்கு வழங்கப்பட்ட கடன் சலுகைக் காலம் முடிவடைந்தமையே இதற்கான காரணம் என சிரேஷ்ட பேச்சாளர் ஒருவர் தெரிவித்தார்.

5 சதவீத வாகனங்கள் வெளிநாட்டு சுற்றுலா பயணிகளின் போக்குவரத்தில் ஈடுபட்டுள்ள நிறுவனங்களுக்கு சொந்தமானவை. 95 சதவீதம் சுற்றுலாப் பயணிகளின் போக்குவரத்து வசதிகள், சுற்றுலாப் பயணிகளை ஏற்றிச் செல்லும் வாகனங்களை வைத்திருப்பவர்களால் வழங்கப்படுகின்றன. அவர்கள் தற்போது நிதி நிறுவனங்களுக்கு 700 மில்லியன் கடன்பட்டுள்ளனர்.

அடுத்த வருடம் ஜனவரி மாதம் முதல் குத்தகை தவணைகளை செலுத்துவதற்கு தமக்கு நிதி நிலைமை இல்லை என வாகன உரிமையாளர்கள் தெரிவித்துள்ளதாக சுற்றுலா அபிவிருத்தி அதிகார சபை தெரிவித்துள்ளது.

அதற்கமைய, வாகன உரிமையாளர்களுக்கு வழங்கப்பட்ட கடன் சலுகை காலத்தை மேலும் ஒரு வருடத்திற்கு நீடிக்குமாறும் கோரிக்கை விடுத்துள்ளனர். ஆனால் இது தொடர்பில் நிதி நிறுவனங்கள் எவ்வித பதிலையும் வழங்கவில்லை.

இதேவேளை, சுற்றுலா ஹோட்டல் உரிமையாளர்களுக்கு வழங்கப்பட்டு வந்த கடன் சலுகை காலம் இம்மாதம் 31ஆம் திகதியுடன் முடிவடைகிறது. அதற்கமைய, அவர்கள் செலுத்த வேண்டிய தொகை சுமார் 500 மில்லியன் ரூபாய் என தெரியவந்துள்ளது.

இவ்வருடம் டிசம்பர் 26ஆம் திகதி வரை இலங்கைக்கு வந்துள்ள சுற்றுலாப் பயணிகளின் எண்ணிக்கை ஏழு லட்சத்து 1,331 ஆகும். கடந்த மார்ச் மாதம் அதிக அளவில் சுற்றுலா பயணிகள் வந்தனர். அந்தத் தொகை 6,500 லட்சம். இந்தியாவில் இருந்து 19,546 பேர் இந்த நாட்டிற்கு வந்துள்ளனர்.

அதிக எண்ணிக்கையிலான சுற்றுலாப் பயணிகள் இந்தியர்களாகும். இந்த நாட்டிற்கு வருகை தந்த வெளிநாட்டு சுற்றுலாப் பயணிகளின் பட்டியலில் ரஷ்யர்கள் 2 வது இடத்தில் உள்ளனர். அந்தத் தொகை 86,990 ஆகும். எப்படியிருப்பினும், டிசம்பர் மாதத்தில் இந்த நாட்டிற்கு வந்த அதிக எண்ணிக்கையிலான சுற்றுலாப் பயணிகள் ரஷ்யாவிலிருந்து வந்துள்ளனர்.