எரிபொருள் பற்றாக்குறை குறித்து ஏற்பட்ட அச்சம்.. அரசாங்கத்தின் அவசர நடவடிக்கை

Anura Kumara Dissanayaka Vijitha Herath Government Of Sri Lanka Middle East Russia

By Sajithra Mar 13, 2026 10:03 AM GMT

Sajithra

in பொருளாதாரம்

Report

எரிபொருள் விநியோகத்தைப் பெறுவதற்காக இலங்கை ரஷ்யாவுடன் பேச்சுவார்த்தைகளை நடத்தி வருவதாக அரசாங்கம் குறிப்பிட்டுள்ளது.

மத்திய கிழக்கில் நடந்து வரும் மோதல்கள் காரணமாக உலகளாவிய எரிசக்தி விநியோகச் சங்கிலிகளில் ஏற்படும் இடையூறுகள் குறித்த கவலைகள் அதிகரித்து வரும் நிலையில் இந்த நடவடிக்கை எடுக்கப்பட்டுள்ளது.

ரஷ்ய எண்ணெய் வாங்குவதற்கான சாத்தியக்கூறுகள் குறித்து விவாதிக்க வெளியுறவு, வெளிநாட்டு வேலைவாய்ப்பு மற்றும் சுற்றுலா அமைச்சர் விஜித ஹெரத் இன்று (13) வெளியுறவு அமைச்சகத்தில் இலங்கைக்கான ரஷ்ய தூதர் லெவன் எஸ். தாகரியனுடன் அவசர சந்திப்பை நடத்தினார்.

ரஷ்ய எண்ணெய் வாங்குவதை முன்னர் தடைசெய்திருந்த தடைகள் நீக்கப்பட்டதைத் தொடர்ந்து இந்த பேச்சுவார்த்தைகள் நடந்துள்ளன.

அவசர சந்திப்பு

இதனால் தடையற்ற எரிபொருள் விநியோகத்தை உறுதி செய்வதற்கான முயற்சிகளின் ஒரு பகுதியாக இலங்கை இந்த விருப்பத்தை ஆராய முடியும்.

எரிபொருள் பற்றாக்குறை குறித்து ஏற்பட்ட அச்சம்.. அரசாங்கத்தின் அவசர நடவடிக்கை | Sri Lanka Talks With Russia Secure Fuel Supplies

குறித்த சந்திப்பின் போது, இலங்கையின் தொடர்ச்சியான எரிபொருள் விநியோகத்தை பராமரிப்பதற்கான கூடுதல் நடவடிக்கையாக ரஷ்ய எரிபொருளைப் பெறுவது குறித்து அமைச்சர் விவாதித்துள்ளார்.

இலங்கையின் கோரிக்கையை ரஷ்ய அரசாங்கத்திற்கு உடனடியாகத் தெரிவிக்க தூதர் தாகரியன் ஒப்புக்கொண்டதுடன் தேவையான ஏற்பாடுகளை எளிதாக்குவதற்கு தொடர்புடைய நிறுவனங்களுடன் ஒருங்கிணைந்து செயல்படுவதாக உறுதியளித்துள்ளதாக தெரிவிக்கப்படுகின்றது.

தேவைப்படும் போதெல்லாம் இலங்கைக்கு உதவ ரஷ்யா தயாராக இருக்கும் என்றும் அவர் குறிப்பிட்டதாக கூறப்படுகின்றது.

இந்தக் கலந்துரையாடலில் தொழிலாளர், நிதி மற்றும் பொருளாதார மேம்பாட்டுத் துணை அமைச்சர் அனில் ஜெயந்த, இலங்கை பெட்ரோலியக் கூட்டுத்தாபனத்தின் தலைவர் டி.ஜே. ராஜகருணா, அமைச்சுச் செயலாளர்கள் மற்றும் அதிகாரிகள் உள்ளிட்டோர் கலந்து கொண்டனர்.