லங்காசிறி FM
இலங்கையில் பொது மகனிடம் மண்டியிட்டு மன்னிப்பு கேட்ட பொலிஸ் அதிகாரிகள்
கொழும்பு நீதிமன்றத்தில் மூன்று பொலிஸ் அதிகாரிகள், பொது மகன் முன்னிலையில் மண்டியிட்டு மன்னிப்பு கேட்ட சம்பவம் ஒன்று இடம்பெற்றுள்ளது.
கொட்வின் பெரேரா என்ற 81 வயதான நபரிடமே மன்னிப்பு கோரப்பட்டுள்ளது.
நீதிபதிகள் விஜித் கே மலல்கொட, அச்சல வெங்கப்புலி மற்றும் அர்ஜுன ஒபேசேகர ஆகியோர் அடங்கிய அமர்வு முன்பாக மனுதாரருக்கும் பிரதிவாதி பொலிஸ் அதிகாரிகளுக்கும் இடையில் ஏற்பட்ட உடன்பாட்டின் பிரகாரம் மூன்று பொலிஸ் அதிகாரிகளும் மன்னிப்பு கோரியுள்ளனர்.
2017 ஆம் ஆண்டு, கொட்வின் பெரேரா கொழும்பில் உள்ள தனியார் மருத்துவமனைக்குச் சென்று கொண்டிருந்தபோது, வீதியொன்றுக்கு அருகில் விபத்துக்குள்ளான ஒரு தொழிலாளி தொடர்பில் பொலிஸாருக்கு அறிவித்துவிட்டு அவரை வைத்தியசாலையில் அனுமதிக்க நடவடிக்கை எடுத்துள்ளார்.
பொலிஸ் உத்தியோகத்தர்கள்
அதன் பின்னர் கொட்வின் பெரேராவை பொலிஸ் உத்தியோகத்தர்கள் அழைத்துச் சென்று சிறையில் அடைத்ததாக முறைப்பாட்டில் குறிப்பிடப்பட்டுள்ளது.
சட்டத்தை இப்படித்தான் நடைமுறைப்படுத்துவீர்களா என்று கேட்டதற்கு அதிகாரிகள் எதிர்மறையான பதிலையே அளித்ததாக அவர் தனது முறைப்பாட்டில் மேலும் குறிப்பிட்டுள்ளார்.
அதற்கமைய, சட்ட விரோதமாக கைது செய்யப்பட்டமைக்கு எதிராக மனவேதனை அடைந்த கொட்வின் பெரேரா, உச்சநீதிமன்றத்தில் அடிப்படை உரிமை மீறல் மனுவை தாக்கல் செய்துள்ளார்.
நீதிபதி உத்தரவு
மேலும் சட்டத்தரணி விஜித் சிங் அவரது சட்டத்தரணியாக இருந்தார். எவ்வாறாயினும், மனுதாரர் கொட்வின் பெரேரா பிரதிவாதிகளான பொலிஸாருடன் சமரசம் செய்து கொள்வதற்கு இணங்கியதையடுத்து, அந்த உடன்படிக்கை குறித்து விசாரிப்பதற்காக உச்ச நீதிமன்றத்தில் வழக்கு நேற்று அழைக்கப்பட்டது.
வழக்கு விசாரணைக்கு எடுத்துக்கொள்ளப்பட்டபோது, மனுதாரர் கொட்வின் பெரேரா நீதிமன்றத்தில் ஆஜரானார். மேலும், நாரஹேன்பிட்டி பொலிஸ் பிரிவின் இரண்டு கான்ஸ்டபிள்கள் மற்றும் சார்ஜன்ட் ஆகியோரின் பெயர்களை அழைத்த பின்னர், அவர்கள் மூவரும் நீதிமன்றில் முன்னிலையாகினர்.
பொலிஸ் உத்தியோகத்தர்கள் விஷேட சந்தர்ப்பங்களில் அணியும் 01 ஆம் இலக்க சீருடை அணிந்து உத்தியோகபூர்வ பதக்கங்கள் மற்றும் அணிகலன்களை அணிந்து நீதிமன்றத்திற்கு வந்துள்ளனர்.
இழப்பீடு
பிரதிவாதிகளுடன் சமரசம் செய்ய ஒப்புக்கொள்கிறீர்களா என்று மனுதாரரிடம் நீதிமன்றம் கேட்டதுடன் அவர் தனது உடன்பாட்டைத் தெரிவித்தார்.
இதன்போது எதிர்காலத்தில் இவ்வாறான தவறான செயல்களைச் செய்யக்கூடாது என பொலிஸ் அதிகாரிகளை கடுமையாக நீதிபதி விஜித் கே மலல்கொட எச்சரித்துள்ளார்.
நாட்டின் மூத்த குடிமகன் ஒருவருக்கு சுதந்திரமாக செயல்பட உரிமை உள்ளது என்பது தெரியாதா என்று கேட்ட நீதிபதி, மூத்த குடிமகன் இப்படி நடத்தப்படுகிறாரா என்று கேள்வி எழுப்பினார்.
வழக்கை முடித்துக் கொள்ள மனுதாரர் சம்மதித்துள்ளதால், வழக்கை முடித்துக் கொள்வதாக நீதிமன்றம் தெரிவித்துள்ளது. இல்லாவிட்டால் மனுதாரரின் வயதைக் கருத்தில் கொண்டு, அதிகாரிகள் பெரும் இழப்பீடு வழங்க வேண்டியிருக்கும் என்றும் குறிப்பிடப்பட்டுள்ளது.
இது போன்ற செயல்களை மீண்டும் செய்ய வேண்டாம் என மூன்று பொலிஸ் அதிகாரிகளுக்கும் நீதிமன்றம் எச்சரிக்கை விடுத்துள்ளது.
அதன்பின், மூன்று பொலிஸ் அதிகாரிகளும் தனித்தனியாக மனுதாரர் கொவிட் பெரேரா முன் சென்று மண்டியிட்டு மன்னிப்பு கேட்டனர்.
மூன்றாம் உலகப்போர் அதிகாரப்பூர்வமாக துவங்கிவிட்டது: திகில் கிளப்பும் உக்ரைன் முன்னாள் தளபதி News Lankasri
ரூ 6,000 கோடி மதிப்பிலான பிட்காயினை குப்பையில் வீசிய பிரித்தானியர்: சட்ட நடவடிக்கை எடுக்க முடிவு News Lankasri
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
