பயங்கரவாதத்திலிருந்து அரசைப் பாதுகாக்கும் புதிய சட்டமூலத்திற்கு சஜித் தரப்பு எதிர்ப்பு

SJB Ajith Perera

By Kamal Oct 08, 2026 03:40 AM GMT

Kamal

in அரசியல்

Report

பயங்கரவாதத்திலிருந்து அரசாங்கத்தை பாதுகாக்கும் சட்ட மூலத்திற்கு ஐக்கிய மக்கள் சக்தி கடும் எதிர்ப்பை வெளியிட்டுள்ளது.

நாட்டின் பிரஜைகளை கொடூரமாக நடத்தும் வகையிலான சட்டங்களை உள்ளடக்கிய 'பயங்கரவாதத்திலிருந்து அரசைப் பாதுகாக்கும் புதிய சட்டமூலத்திற்கு' எதிராக ஐக்கிய மக்கள் சக்தி செயற்படும் என அறிவிக்கப்பட்டுள்ளது.

ஐக்கிய மக்கள் சக்தியின் களுத்துறை மாவட்ட நாடாளுமன்ற உறுப்பினர் அஜித் பி. பெரேரா தெரிவித்துள்ளார்.

பயங்கரவாதத்திலிருந்து அரசைப் பாதுகாக்கும் புதிய சட்டமூலத்திற்கு சஜித் தரப்பு எதிர்ப்பு | Sjb Will Oppose New Pta

பயங்கரவாதத் தடுப்புச் சட்டத்திற்குப் பதிலாக 'பயங்கரவாதத்திலிருந்து அரசைப் பாதுகாக்கும் சட்டம்' என்ற புதிய சட்டமூலத்தை இந்த அரசாங்கம் நாடாளுமன்றத்தில் சமர்ப்பித்துள்ளது.

பயங்கரவாதத் தடுப்புச் சட்டத்தில் திருத்தங்களை மேற்கொள்வதற்காக ஜனாதிபதி சட்டத்தரணி ரியன்சி அவர்களின் தலைமையில் நிபுணர் குழுவொன்று நியமிக்கப்பட்டிருந்தது.

எனினும், இந்த அரசாங்கம் நிபுணர்களின் கருத்துக்களுக்கு மதிப்பளிக்கவில்லை. ஏனெனில், அக்குழு சமர்ப்பித்த பரிந்துரைகளுக்கு மாறாக, குடிமக்களை அடக்கி ஒடுக்கும் சட்டத்தைக் கொண்டுவருவதற்கே இந்தப் புதிய சட்டமூலத்தின் மூலம் நடவடிக்கை எடுக்கப்பட்டு வருகிறது. நிபுணர் குழு சமர்ப்பித்த சட்டமூலத்தை இந்த அரசாங்கம் பரிசீலிக்கவில்லை" என அவர் சுட்டிக்காட்டினார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை