லங்காசிறி FM
ஷானி அபேசேகரவிற்கு பிரதிப் பொலிஸ் மா அதிபராகப் பதவியுயர்வு - நீதிமன்றம் அதிரடி உத்தரவு
குற்றப் புலனாய்வுத் திணைக்களத்தின் தற்போதைய பணிப்பாளர் ஷானி அபேசேகரவை, 2026 ஆம் ஆண்டு ஆகஸ்ட் மாதம் 25 ஆம் திகதி முதல் நடைமுறைக்கு வரும் வகையில் பிரதிப் பொலிஸ் மா அதிபராக (DIG) பதவியுயர்த்துமாறு நிர்வாக மேன்முறையீட்டு நீதிமன்றம் தேசிய பொலிஸ் ஆணைக்குழுவிற்கு இன்று உத்தரவிட்டுள்ளது.
ஷானி அபேசேகர 1986 ஆம் ஆண்டு பெப்ரவரி மாதம் பொலிஸ் பரிசோதகராகத் தனது சேவையை ஆரம்பித்தார். அவர் 2017 செப்டம்பர் மாதம் குற்றப் புலனாய்வுத் திணைக்களத்தின் பணிப்பாளராக நியமிக்கப்பட்டார்.
தேசிய பொலிஸ் ஆணைக்குழுவினால் அவரது திறமை மற்றும் தகைமையின் அடிப்படையிலேயே இந்தப் பதவி வழங்கப்பட்டது.
2019 ஜனாதிபதித் தேர்தலைத் தொடர்ந்து ஏற்பட்ட அரசியல் அழுத்தங்கள் காரணமாக, அவர் பணிப்பாளர் பதவியிலிருந்து நீக்கப்பட்டு காலியில் உள்ள பிரதிப் பொலிஸ் மா அதிபரின் தனிப்பட்ட உதவியாளராக இடமாற்றம் செய்யப்பட்டார்.
பின்னர், 2020 ஜனவரியில் ரஞ்சன் ராமநாயக்கவின் சர்ச்சைக்குரிய குரல் பதிவுகள் தொடர்பாக அவர் பணி இடைநீக்கம் செய்யப்பட்ட போதிலும், அந்தப் பதிவுகள் திருத்தப்பட்டவை (Edited) எனப் பொலிஸ் விசாரணைகளிலேயே பின்னர் கண்டறியப்பட்டது. அவர் 2020 ஆகஸ்டில் கைது செய்யப்பட்டு சுமார் 10 மாதங்கள் விளக்கமறியலில் வைக்கப்பட்டிருந்தார்.
எனினும், அவருக்கு எதிரான வழக்குகள் பின்னர் உருவாக்கப்பட்ட கற்பனையானவை என மேன்முறையீட்டு நீதிமன்றம் குறிப்பிட்டதுடன், கோட்டாபய ராஜபக்ச மற்றும் ரணில் விக்ரமசிங்க அரசாங்கங்களின் கீழ் நடத்தப்பட்ட விசாரணைகளில் அவர் குற்றமற்றவர் என நிரூபிக்கப்பட்டது.
அவருக்குப் பதவியுயர்வு மறுக்கப்பட்டமை அவரது நடத்தையினால் ஏற்பட்ட குறைபாடு அல்ல என நிர்வாக மேன்முறையீட்டு நீதிமன்றம் சுட்டிக்காட்டியுள்ளது. ஷானி அபேசேகர தனது பணிக் காலத்தில் ராயல் பார்க் கொலை, அங்கூலானா இரட்டைக் கொலை, லசந்த விக்ரமதுங்க கொலை மற்றும் பிரகீத் எக்னலிகொட காணாமல் ஆக்கப்பட்டமை போன்ற பல தேசிய முக்கியத்துவம் வாய்ந்த வழக்குகளை விசாரித்து சில குற்றவாளிகளுக்குத் தண்டனை பெற்றுக்கொடுக்கக் காரணமாக இருந்தார் என்பது குறிப்பிடத்தக்கது.
தற்போது அவர் குற்றப் புலனாய்வுத் திணைக்களத்தின் பணிப்பாளராகப் பணிபுரிந்து வரும் நிலையில், பிரதிப் பொலிஸ் மா அதிபராக நியமிக்கப்படும் போது அவரது தற்போதைய பதவியில் மாற்றம் ஏற்படக்கூடும் என எதிர்பார்க்கப்படுவதாக இணைய ஊடகமொன்று தகவல்களை வெளியிட்டுள்ளது.
நிலா வீட்டைவிட்டு சென்றதால் சோழன் எடுத்த அதிரடி முடிவு, ஷாக்கில் குடும்பத்தினர்... அய்யனார் துணை சீரியல் எபிசோட் Cineulagam
ஈஸ்வரியை ஜனனிக்கு எதிராக மாற்றும் கதிர், தர்ஷனார் வரப்போகும் பிரச்சனை... எதிர்நீச்சல் தொடர்கிறது புரொமோ Cineulagam
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
