லங்காசிறி FM
போலி விளம்பரங்களினால் பிரபலமான ஹோட்டலில் நேர்காணல்: விடுக்கப்பட்டுள்ள எச்சரிக்கை
வெளிநாட்டில் வேலைவாய்ப்பு வழங்குவதாக சமூக ஊடகங்களில் விளம்பரங்கள் மூலம் பெரும் மோசடி இடம்பெறுவதாக வெளிநாட்டு வேலைவாய்ப்பு பணியகம் தெரிவித்துள்ளது.
இது தொடர்பாக வெளிநாட்டு வேலைவாய்ப்பு பணியகத்திற்கு கிடைக்கப்பெறும் முறைப்பாடுகள் நாளுக்கு நாள் அதிகரித்து வருவதாக தெரிவிக்கப்படுகின்றது.
இது தொடர்பில் முன்னெடுக்கப்பட்ட விசாரணைகளில் இதுபோன்ற விளம்பரங்களில் பெரும்பாலானவை போலியான விளம்பரங்கள் என்றும், அவற்றுக்கு பணியகத்தில் அனுமதி பெறப்படவில்லை என்றும் தெரியவந்துள்ளது.
மோசடி விளம்பரங்கள்
எனவே, சமூக ஊடகங்களில் வெளியிடப்படும் அத்தகைய விளம்பரங்கள் தொடர்பாக பணம் அல்லது கடவுச்சீட்டை வழங்குவதற்கு முன், சம்பந்தப்பட்ட நிறுவனம் பணியகத்திடமிருந்து செல்லுபடியாகும் உரிமத்துடன் பதிவு செய்யப்பட்ட நிறுவனமா, அது ஒரு சட்டப்பூர்வ நிறுவனமா, வேலைக்கு பணியகத்தின் அங்கீகாரத்தைப் பெற்றுள்ளதா என்பதை விசாரிக்குமாறு பணியகம் வலியுறுத்தியுள்ளது.
இவ்வாறான மோசடி நிறுவனங்கள் அல்லது மோசடியாளர்கள் பற்றிய தகவல்களை பணியகத்தின் சிறப்பு புலனாய்வு பொலிஸ் பிரிவு 0112882228 என்ற எண்ணில் அல்லது 1989 என்ற எண்ணில் தொடர்பு கொள்ளுமாறு பணியகம் மேலும் கேட்டுக்கொள்கின்றது.
வெளிநாட்டு வேலைவாய்ப்பு மோசடி தொடர்பாக சிறப்பு புலனாய்வுப் பிரிவின் பொலிஸ் பிரிவுக்கு கிடைத்த முறைப்பாடுகளை தொடர்ந்து, வெளிநாட்டு வேலைவாய்ப்பு மோசடி செய்த நான்கு பேர் நேற்று முன்தினம் (28) இலங்கை வெளிநாட்டு வேலைவாய்ப்பு பணியகத்தின் (SBFFE) விசாரணை அதிகாரிகளால் கைது செய்யப்பட்டுள்ளனர்.
ஹோட்டலில் நேர்காணல்
இதேவேளை, கனடாவில் தாதியர் வேலைகளை வழங்குவதாகக் கூறி எட்டு பேரிடம் ரூ.12.8 மில்லியன் மோசடி செய்த ஒருவர் நேற்று மஹரகம பகுதியில் கைது செய்யப்பட்டுள்ளார்.
மேலும், இஸ்ரேலில் வேலை வாங்கித் தருவதாகக் கூறி 2 மில்லியன் ரூபாய் மோசடி செய்த நபர் நேற்று கொட்டாவ பகுதியில் சிறப்பு புலனாய்வுப் பிரிவின் அதிகாரிகளால் கைது செய்யப்பட்டுள்ளார்.
ஜப்பானிய வேலைகளுக்காக சமூக ஊடகங்களில் விளம்பரம் செய்து, கொழும்பு கொள்ளுப்பிட்டி பகுதியில் உள்ள ஒரு பிரபலமான ஹோட்டலில் நேர்காணல்களை நடத்திய ஒருவர் நேற்று பணியகத்தின் புலனாய்வுப் பிரிவின் அதிகாரிகளால் கைது செய்யப்பட்டிருந்தமையும் குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
புங்குடுதீவு 2ம் வட்டாரம், வட்டகச்சி, பேர்ண், Switzerland, பரிஸ், France
11 Nov, 2024
கரம்பன் மேற்கு, கரம்பன், கொழும்பு, சுவிஸ், Switzerland, கொழும்பு சொய்சாபுரம்
01 Nov, 2023
வேலணை மேற்கு 8ம் வட்டாரம், Jaffna, வேலணை மேற்கு 8ம் வட்டாரம், Northolt, United Kingdom
28 Oct, 2025
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024