சந்நிதியான் ஆச்சிரமத்தில் சிறப்பாக இடம்பெற்ற திருவாசக விழா (Photos)

Jaffna Hinduism Northern Province of Sri Lanka

By Erimalai Dec 27, 2023 12:15 PM GMT

Erimalai

in சமூகம்

Report

சந்நிதியான் ஆசிரம சைவ கலை பண்பாட்டுப் பேரவையின் வருடாந்த திருவாசக விழா சந்நிதியான் ஆச்சிரமத்தில் இடம்பெற்றுள்ளது.

குறித்த விழாவானது நேற்று (27.12.2023) காலை 9.30 மணியளவில் ஆரம்பமாகியுள்ளதுடன், முதல் நிகழ்வாக செல்வச்சந்நிதியான் ஆலயத்தில் விசேட பூஜை வழிபாடுகள் இடம்பெற்றுள்ளன.

தொடர்ந்து, நாயன்மார்களின் திருவுருவங்களும், திருவாசக ஏடுகளும் ஆலயத்திலிருந்து தேவார பாராயணத்துடன் ஆச்சிரமத்திற்கு எடுத்து வரப்பட்டுள்ளன.

வெள்ளத்தினால் பாதிக்கப்பட்ட மக்களுக்கு உதவி

இந்நிகழ்வில், அறிமுக உரையை ஆசிரியர் இரா.செல்வவடிவேல் நிகழ்த்தியுள்ளதோடு சிறுப்பிட்டி நாகதம்பிரான் அறநெறிப் பாடசாலை மாணவர்களின் நடனமும் இடம்பெற்றுள்ளது.

சந்நிதியான் ஆச்சிரமத்தில் சிறப்பாக இடம்பெற்ற திருவாசக விழா (Photos) | Sannidhiyan Ashram Celebrated Thiruvasaka Festival

மேலும், சிறப்பு சொற்பொழிவை உளவள துணையாளர் நா.நவராஜ் நிகழத்திய அதேவேளை, திருவாசக பண்ணிசையை இசைநாவரசு எம்.எஸ்.பிரதீபன் வழங்கியுள்ளார்.

தொடர்ந்து, சந்நிதியான் ஆச்சிரமத்தால் வெள்ளத்தினால் பாதிக்கப்பட்ட 100 குடும்பங்களுக்கு ரூபா 500,000 ரூபா பெறுமதியான அத்தியவசியமான உணவுப் பொருட்கள் ஆசிரம முதல்வர் கலாநிதி மோகன சுவாமிகளால் வழங்கப்பட்டுள்ளன.