லங்காசிறி FM
கஜ்ஜா கொலையில் வெளிவரும் முக்கிய ஆதாரங்கள்: நெருங்கிய தொடர்பில் சம்பத் மனம்பேரி
அருண விதானகமகே எனப்படும் கஜ்ஜாவின் கொலையில் தொடர்புடைய சந்தேகநபர்களுடன் சம்பத் மனம்பேரிக்கு நெருங்கிய தொடர்பு இருப்பது விசாரணைகளில் தெரியவந்துள்ளது.
சம்பத் மனம்பேரியிடம் நடத்தப்பட்ட விசாரணைகளில், மித்தெனியவில் கண்டுபிடிக்கப்பட்ட இரசாயன கிடங்கை மறைத்து வைத்தமை தொடர்பில் கூடுதல் தகவல்களை கண்டறிய முடிந்ததாக பொலிஸார் தெரிவித்துள்ளனர்.
கஜ்ஜாவை கொலை செய்யத்திட்டமிட்டதாக குற்றம்சாட்டப்பட்ட பெக்கோ சமனும், அவரது குற்றவியல் வலையமைப்புடன் தொடர்புடையதாக சந்தேகிக்கப்படும் சம்பத் மனம்பேரியும் தற்போது குற்றப்பிரிவில் தடுத்து வைக்கப்பட்டுள்ளனர்.
சந்தேகநபர்களிடம் நடத்தப்பட்ட விசாரணையில், போதைப்பொருள் கடத்தல் மற்றும் சந்தேக நபர்கள் செய்த குற்றங்கள் குறித்து விசாரணை அதிகாரிகள் இதுவரை பல உண்மைகளை கண்டறிந்துள்ளதாக தெரிவிக்கப்படுகின்றது.
நெருங்கிய தொடர்புகள்
சம்பத் மனம்பேரியிடம் மேலும் நடத்தப்பட்ட விசாரணையில், கஜ்ஜா மற்றும் அவரது இரண்டு குழந்தைகளைக் கொன்றதாக குற்றம் சாட்டப்பட்ட சந்தேக நபர்களுடன் சம்பத் மனம்பேரிக்கு நெருங்கிய தொடர்புகள் இருப்பதும் தெரியவந்துள்ளது.
கஜ்ஜாவின் கொலையில் துப்பாக்கிச் சூடு நடத்தியதாக நம்பப்படும் ரோஷனும், சம்பத் மனம்பேரியும் நெருங்கிய நண்பர்கள், மேலும் சம்பத் மனம்பேரியின் தனிப்பட்ட விவகாரங்களில் அவருடன் நெருக்கமாகப் பணியாற்றியுள்ளனர்.
கஜ்ஜாவை கொலை செய்வதற்காக உளவு பார்த்ததாகக் கூறப்படும் ஜீவன், சம்பத் மனம்பேரிக்குச் சொந்தமான பேருந்தில் பணிபுரிந்தவர் என்பது விசாரணையில் தெரியவந்துள்ளது.
கஜ்ஜாவை கொல்லப் பயன்படுத்தப்பட்டதாகக் கூறப்படும் பெக்கோ சமனுக்குச் சொந்தமான துப்பாக்கியை, கொலைக்கு சில நாட்களுக்கு முன்பு சம்பத் மனம்பேரி ஒருவருக்குக் கொடுத்தது தெரியவந்துள்ளது.
இதற்கிடையில், மித்தெனியாவில் பாதுகாப்புப் படையினரால் கண்டுபிடிக்கப்பட்ட இரசாயனப் பொருள், சம்பத் மனம்பேரியின் சகோதரியின் வீட்டில் வேண்டுமென்றே மறைத்து வைக்கப்பட்டதும் தெரியவந்துள்ளது.
இரசாயனப் பொருட்களை ஏற்றிச்சென்ற கொள்கலன் லொரிகள் மித்தெனிய பகுதிக்கு கொண்டு வரப்பட்ட சுமார் இரண்டு மாதங்களுக்குள் சம்பத் மனம்பேரியின் சகோதரியின் நிலத்தை சுற்றி உயரமான சுவர் கட்டப்பட்டிருப்பது தெரியவந்துள்ளது.
இந்த கொள்கலன் மூலம் கொண்டு வரப்பட்ட இரசாயனப் பொருள்களை மறைக்க இந்த சுவர் வேண்டுமென்றே கட்டப்பட்டதாக பொலிஸார் சந்தேகிக்கின்றனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
தமிழகத்தின் சட்ட ஒழுங்கும் கட்சி அரசியலும் 6 நாட்கள் முன்
சீனா மீது திரும்பிய ட்ரம்பின் கோபம்... ஜி ஜின்பிங் உடனான சந்திப்பு ரத்தாகும் என மிரட்டல் News Lankasri
சற்றுமுன் பிக் பாஸ் வீட்டில் இருந்து எலிமினேட் ஆன போட்டியாளர்! முதல் வாரத்திலேயே அதிர்ச்சி Cineulagam
அல்வாய் தெற்கு, Montreuil, France, London, United Kingdom
25 Sep, 2025
புங்குடுதீவு 10ம் வட்டாரம், Langenthal, Switzerland
12 Oct, 2020
இணுவில், Markham, Canada
12 Oct, 2022
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
