ரணிலுக்கு ரஷ்ய ஜனாதிபதி அனுப்பியுள்ள விசேட கடிதம்
இலங்கைக்கான ரஷ்ய தூதுவருக்கும் ஜனாதிபதிக்கும் இடையில் சந்திப்பொன்று இன்று(25) இடம்பெற்றுள்ளது.
இந்த சந்திப்பில் இலங்கைக்கான ஜனாதிபதி தேர்வில் வெற்றி பெற்றமைக்காக ரணில் விக்ரமசிங்கவிற்கு ரஷ்ய ஜனாதிபதி விளாடிமிர் புடின் வாழ்த்து தெரிவித்துள்ளதாகவும் இலங்கைக்கான ரஷ்ய தூதுவர் கூறியுள்ளார்.
கடந்த 20 ஆம் திகதி இலங்கைக்கான இடைகால ஜனாதிபதி தேர்வு நாடாளுமன்றத்தில் இடம்பெற்றது.
இந்த தேர்தலில் ரணில் விக்ரமசிங்க, டலஸ் அழகப்பெரும மற்றும் அநுரகுமார திசாநாயக்க ஆகியோர் போட்டியிட்டனர்.
இந்நிலையில் 134 வாக்குகளை பெற்று இலங்கைக்கான புதிய ஜனாதிபதியாக ரணில் விக்ரமசிங்க தெரிவு செய்யப்பட்டார்.