லங்காசிறி FM
பாதைச் சேவையை சீரமைக்குமாறு வட மாகாண ஆளுநரிடம் கோரிக்கை
காரைநகர் - ஊர்காவல்துறை பாதைச் சேவையை சீராக இயக்குவதற்கு நடவடிக்கை எடுக்குமாறு குறித்த பாதையை பயன்படுத்தும் அரச உத்தியோகத்தர்கள் மற்றும் பொது மக்கள் வடக்கு மாகாண ஆளுநரிடம் கோரிக்கை முன்வைத்துள்ளனர்.
வடக்கு மாகாண ஆளுநருக்கு கடிதம் ஒன்றை அனுப்புவதன் மூலம் மக்கள் இந்த கோரிக்கையை முன்வைத்துள்ளனர்.
வீதி அதிகார சபையின் அசமந்தப்போக்கு
கடந்த மூன்று மாதங்களுக்கு மேலாக இப்பாதைச் சேவை முறையாக இடம்பெறாமையால் தாங்கள் பெரும் அசௌகரியங்களை எதிர்நோக்கியுள்ளதாக தெரிவித்துள்ள மக்கள் வீதி அபிவிருத்தி அதிகார சபை இவ்விடயத்தில் அசமந்தப்போக்குடன் செயற்படுவதாக குற்றம்ச்சாட்டியுள்ளனர்.
காரைநகர் மற்றும் வலிகாமம் மேற்கு, வலிகாமம் தென் மேற்கு உள்ளிட்ட பல இடங்களில் இருந்து ஊர்காவல்துறை, வேலணை மற்றும் தீவுப் பிரதேசத்தில் உள்ள அரச அலுவலகங்களில் பணியாற்றும் அரச உத்தியோகத்தர்களும், அத்துடன் காரைநகர் மற்றும் இதர பிரதேசங்களில் உள்ள அலுவலகங்களுக்கு செல்லும் அரச உத்தியோகத்தர்களும், பொதுமக்களும் தினமும் இப்பாதையை பயன்படுத்துவதாக மக்கள் தெரிவித்துள்ளனர்.
பல சிக்கல்களை எதிர்நோக்கியுள்ள மக்கள்
குறித்த கடிதத்தில் மேலும், “எரிபொருள் நெருக்கடியை காரணம் காட்டி கடந்த மூன்று மாதங்களுக்கு மேலாக பாதைச் சேவை இடம்பெறவில்லை.
இக்காலத்தில் தனியார் படகுச் சேவை இடம்பெற்று வருகின்றது. இப்படகு மூலமான பயணம் ஆபத்தானது என்பதுடன் எமது மோட்டார் சைக்கிள்களின் மட்காட், கண்ணாடி, சிக்னல் போன்றன அடிக்கடி உடைந்து சேதமடைகின்றன.
மேலும் வாகன அடிச்சட்டமும் பாதிக்கப்படுகின்றது. மோட்டார் சைக்கிள்களை ஏற்றி இறக்கும்போது கீழே வீழ்ந்து உதிரிப்பாகங்கள் சேதமடைகின்ற சம்பவங்களும் அவ்வப்போது நிகழ்கின்றன.
அத்துடன் இருவழிக் கட்டணமாக தினமும் 200 ரூபா பணம் செலுத்த வேண்டியுள்ளது.
அதிகரித்துள்ள செலவுகள்
தற்போதைய பொருளாதார நெருக்கடியான காலக்கட்டத்தில் எமது வாகனங்களின் உதிரிப்பாகங்களை அடிக்கடி மாற்றுவது என்பதும், தினமும் 200 ரூபா பணம் செலுத்துவது என்பதும் எங்களை கடுமையாக பாதித்துள்ளது.
இச்சுமையை எங்களால் சுமக்க முடியாத நிலை ஏற்பட்டுள்ளது என குறிப்பிட்டுள்ளனர்.
வீதி அதிகார சபையின் பதில்
இந்நிலையில் மண்ணெண்ணெயில் இயங்கக்கூடிய இயந்திரமே தங்களிடம் இருப்பதால் மண்ணெண்ணெய் பெற்றுக்கொள்ள முடியாத காலங்களில் சேவையை மேற்கொள்ள முடியாமல் உள்ளது என வீதி அபிவிருத்தி அதிகார சபை பணியாளர்கள் தெரிவிக்கின்றனர்.
அத்துடன், பெட்ரோலில் இயங்கக்கூடிய இயந்திரம் ஒன்றையும் வைத்திருப்பதன் மூலம் மண்ணெண்ணெய் இல்லாத நேரங்களில் பெட்றோலில் இயக்கி சேவையை மேற்கொள்ள முடியும் என நம்புகின்றோம் என வீதி அபிவிருத்தி அதிகார சபை தெரிவிப்பதாக மக்கள் குறித்த கடிதத்தில் குறிப்பிட்டுள்ளனர்.
மக்களின் கோரிக்கை
எனவே, இவ்விடயத்தில் தாங்கள் அதிகூடிய கரிசனை எடுத்து பாதைச் சேவை தடையின்றி சீராக நடைபெற ஏற்பாடு செய்வதன் மூலம் அரச உத்தியோகத்தர்களினதும் பொதுமக்களினதும் வீண் சிரமங்களுக்கும் பொருளாதார இழப்புகளுக்கும் தீர்வு பெற்றுத்தருமாறு தங்களைத் தயவுடன் கேட்டுக் கொள்கின்றோம் என குறித்த கடிதத்தில் தெரிவிக்கப்பட்டுள்ளது.
இதன் பிரதிகள் யாழ். அரச அதிபர், ஊர்காவல்த்துறை பிரதேச செயலாளர் மற்றும் வீதி
அபிவிருத்தி அதிகார சபை பொறியியலாளர் ஆகியோருக்கும் அனுப்பிவைக்கப்பட்டுள்ளமை குறிப்பிடத்தக்கது.
கிளீன் சிறிலங்கா: அரசாங்கத்தை கவனம் செலுத்த கோரும் சமூக பற்றாளர்கள் 3 மணி நேரம் முன்
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
நவக்கிரி, நல்லூர், மானிப்பாய், கொழும்பு, Bunschoten, Netherlands
20 Dec, 2024
வடலியடைப்பு, சண்டிலிப்பாய், ஜேர்மனி, Germany, ஓமான், Oman, பிரித்தானியா, United Kingdom, கனடா, Canada
18 Jan, 2019
சாவகச்சேரி கல்வயல், மீசாலை, புளியம்பொக்கணை, உருத்திரபுரம், Markham, Canada
19 Jan, 2024
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
