முட்டை உணவுகளின் விலை தொடர்பில் வெளியான தகவல்!

Sri Lanka Economic Crisis Economy of Sri Lanka Egg

By Chandramathi Sep 07, 2025 12:36 PM GMT

Chandramathi

in சமூகம்

Report

முட்டைகளை பயன்படுத்தி உற்பத்தி செய்யப்படும் உணவு பொருட்களின் விலையை குறைக்குமாறு கோரிக்கை விடுக்கப்பட்டுள்ளது.

அகில இலங்கை முட்டை உற்பத்தியாளர்கள் சங்கத்தின் செயலாளர் டி.ஆர்.அழககோன் இந்த கோரிக்கையை விடுத்துள்ளார்.

இது தொடர்பில் அவர் மேலும் கூறுகையில்,''முட்டையின் விலை அதிகரிக்கும் போது முட்டைகளை இறக்குமதி செய்யச் சொல்லும் வெதுப்பக மற்றும் உணவக உரிமையாளர்கள், முட்டையின் விலை குறையும் போது, அதன் பலனை நுகர்வோருக்கு வழங்குவதில்லை.

முட்டையின் விலை

முட்டையின் விலை சுமார் ஒரு வருடமாகக் குறைந்துள்ள நிலையில், முட்டைகளை பயன்படுத்தி உற்பத்தி செய்யப்படும் உணவு பொருட்களின் விலை குறையவில்லை என்று முட்டை உற்பத்தியாளர்கள் சங்கம் குற்றம் சாட்டியுள்ளது.

முட்டை உணவுகளின் விலை தொடர்பில் வெளியான தகவல்! | Request To Reduce The Prices Of Egg Dishes

எனவே,கேக், முட்டை ரொட்டி, உள்ளிட்ட உணவுப் பொருட்களின் விலைகளைக் குறைக்க வேண்டும்.

தற்போது முட்டை விலையில் சரிவு ஏற்பட்டுள்ளதுடன், பண்ணையில் இருந்து ஒரு முட்டை 24-25 ரூபாவுக்கு சந்தைக்கு வழங்கப்படுகின்றது.

நாடு தற்போது முட்டை உற்பத்தியில் தன்னிறைவு பெற்றிருந்தாலும், முட்டை உற்பத்தியாளர்கள் தொடர்ந்து நெருக்கடிகளை எதிர்கொள்கின்றனர்.''என்று அவர் தெரிவித்துள்ளார்.