முல்லைத்தீவு மாவட்டத்தில் தீயணைப்பு பிரிவை உருவாக்குமாறு கோரிக்கை

Mullaitivu Sri Lanka Accident

By Shan Jan 11, 2024 08:07 AM GMT

Shan

in விபத்து

Report

முல்லைத்தீவு மாவட்டத்திற்கு தீயணைப்பு பிரிவு ஒன்றை உருவாக்க நடவடிக்கை எடுக்குமாறு முல்லைத்தீவு வர்த்ததகர்கள் கோரிக்கை விடுத்துள்ளனர்.

முள்ளியவளை பொலிஸ் பிரிவிற்குட்பட்ட தண்ணீரூற்று முள்ளியவளை பகுதியில் புடவையகத்தோடு கூடிய இலத்திரனியல் பொருட்கள் திருத்தகம் ஒன்றில் நேற்று (10.01.2023) அதிகாலை தீப்பரவல் எற்பட்டது.

தீ ஏற்பட்டதை அவதானித்த அருகில் உள்ளவர்கள் ஒன்று கூடி தீயை கட்டுப்பாட்டுக்குள் கொண்டு வந்திருந்தாலும் வர்த்தக நிலையத்தில் இருந்த அனைத்து பொருட்களும் முற்றாக எரிந்துள்ளன.

தீயணைப்பு பிரிவு

இந்நிலையில் பொலிஸார் விசாரணைகளை மேற்கொண்டதோடு கிளிநொச்சி பொலிஸார் தடயவியல் ஆய்வுகளை மேற்கொண்டனர்.

முல்லைத்தீவு மாவட்டத்தில் தீயணைப்பு பிரிவை உருவாக்குமாறு கோரிக்கை | Request For Fire Department In Mullaithivu

எனினும், முல்லைத்தீவு மாவட்டத்தில் தொடர்ச்சியாக தீ விபத்துக்கள் இவ்வாறு தீ விபத்துக்கள் ஏற்படுகின்ற நிலையில் சொத்துக்களும் பாரியளவில் அழிவடைகின்றன.

இதற்கு தீயணைப்பு பிரிவு இல்லாமையே பாரிய சவாலாக காணப்படுகின்றது. ஆகவே, விரைவில் முல்லைத்தீவு மாவட்டத்திற்கான தீயணைப்பு பிரிவு ஒன்றை உருவாக்குவதற்கு உரிய அதிகாரிகள் நடவடிக்கை எடுக்குமாறு முல்லைத்தீவு மாவட்ட வர்த்தகர்கள் கோரிக்கை விடுத்துள்ளனர்.