மன்னாரில் வரி செலுத்தாத வர்த்தக நிறுவனங்களின் விளம்பரப் பலகைகள் அகற்றம்

Mannar Northern Province of Sri Lanka

By Ashik Mar 13, 2024 10:58 AM GMT

Ashik

in சமூகம்

Report

மன்னார் நகர சபை எல்லைக்குள் அமைக்கப்பட்டு வியாபார நடவடிக்கைகளை மேற்கொள்ளும் வர்த்தக நிலையங்களில் உரிய அனுமதி பெற்று வரி செலுத்தாது காட்சிப்படுத்தப்பட்ட விளம்பர பலகைகள் அகற்றப்பட்டுள்ளது.

குறித்த விளம்பர பலகைகளானது இன்று(13.03.2024) மன்னார் நகர சபை ஊழியர்களால் அகற்றப்பட்டுள்ளதாக தெரிவிக்கப்படுகிறது.

நகரசபையின் அறிவுறுத்தல்

இதன்போது மன்னார் நகர சபையிடம் உரிய வரி செலுத்தி அனுமதி பெறாது உள்ளூர் வர்த்தகர்களின் வர்த்தக நிலையங்களில் நீண்ட நாட்களாக காட்சிப்படுத்தப்பட்டிருந்த பல்வேறு நிறுவனங்களின் விளம்பர காட்சி பலகைகள் வர்த்தக நிலையங்களில் இருந்து அகற்றப்பட்டுள்ளதாக கூறப்படுகிறது.

மன்னாரில் வரி செலுத்தாத வர்த்தக நிறுவனங்களின் விளம்பரப் பலகைகள் அகற்றம் | Removal Billboard Non Tax Paying Businesses Mannar

முன்னதாக இவ்வாறு காட்சிப் படுத்தப்பட்டிருக்கும் விளம்பர பலகைகளுக்கு அனுமதி பெற்று வரியை செலுத்தி காட்சிப் படுத்துமாறு நகரசபையினால் அறிவுறுத்தல் வழங்கப்பட்டு, கடிதங்கள் அனுப்பப்பட்டு உரிய அனுமதியை பெறாத வர்த்தக நிலையங்களின் விளம்பர பலகைகள் மேற்கண்டவாறு அகற்றப்பட்டுள்ளது.

மேலும் நகர சபை எல்லைக்குள் அனுமதியின்றி அமைக்கப்பட்டுள்ள சிறு வியாபார வர்த்தக நிலையங்கள், சிற்றுண்டி நிலையங்கள் குளிர்பான நிலையங்களையும் அகற்றுவதற்கான நடவடிக்கைகளையும் மன்னார் நகரசபை மேற்கொண்டுள்ளமை குறிப்பிடத்தக்கது.