ஹட்டனில் உணவகமொன்றில் வெடிப்பு சம்பவம் பதிவு
ஹட்டன் - மல்லியப்பூ சந்தி பகுதியில் உள்ள உணவகம் ஒன்றில் எரிவாயு கசிவு காரணமாக வெடிப்பு சம்பவமொன்று பதிவாகியுள்ளது.
இன்று காலை உணவைச் சமைத்துக் கொண்டிருந்த போது இந்த வெடிப்பு இடம்பெற்றதாகக் குறித்த உணவகத்தின் உரிமையாளர் தெரிவித்துள்ளார்.
சமையல் எரிவாயு கொள்கலன் மற்றும் எரிவாயு அடுப்புக்கான குழாய் உடைந்ததால் இந்த சம்பவம் இடம்பெற்றுள்ளதாக அறியமுடிந்துள்ளது.
இந்த விபத்தினால் உணவகம் பாரிய சேதத்துக்கு உள்ளாகியுள்ளதுடன், சமைத்து வைத்திருந்த உணவுகளும் வீணாகிப் போனதாகத் தெரியவருகிறது.
இச்சம்பவம் தொடர்பில் ஹட்டன் பொலிஸார் மேலதிக விசாரணைகளை மேற்கொண்டு வருகின்றனர்.