ரணிலின் வழக்கு விசாரணை குறித்து பிரித்தானிய உயர் ஸ்தானிகராலயம் வெளியிட்ட தகவல்

புதிய இணைப்பு

முன்னாள் ஜனாதிபதி ரணில் விக்ரமசிங்கவின் நீதிமன்ற விசாரணையில் பிரித்தானிய உயர் ஸ்தானிகர் இன்று கலந்து கொண்டதாகக் கூறப்படும் செய்திகளை கொழும்பில் உள்ள பிரித்தானிய உயர் ஸ்தானிகராலயம் மறுத்துள்ளது.

ஒரு அறிக்கையில், உயர் ஸ்தானிகராலயம் அத்தகைய கூற்றுக்கள் தவறானவை என்று கூறியதுடன், உயர் ஸ்தானிகர் மற்றும் தூதரகத்தின் நடவடிக்கைகள் குறித்த துல்லியமான புதுப்பிப்புகளுக்கு அதன் அதிகார பூர்வ கணக்கை மட்டுமே பார்க்குமாறு பொதுமக்களை வலியுறுத்தியுள்ளது.

Please refer to this account or the High Commissioner’s official handle @AndrewPtkFCDO for accurate updates on the activities of the High Commission and High Commissioner. Claims that the High Commissioner attended former President Wickremesinghe’s court hearing today are false.

— UK in Sri Lanka 🇬🇧🇱🇰 (@UKinSriLanka) August 26, 2025

இரண்டாம் இணைப்பு

ரணில் விக்ரமசிங்கவின் வழக்கு விசாரணையை பார்வையிடுவதற்காக இன்றைய தினம்(26)  பிரித்தானிய உயர்ஸ்தானிகர் நீதிமன்றத்திற்கு வருகை தரவுள்ளதாக சட்டத்தரணிகள் தெரிவித்துள்ளதாக தகவல் வெளியாகியுள்ளது.

எனினும் இந்த விடயம் தொடர்பில் பிரித்தானிய உயர் ஸ்தானிகராலயம் எந்த தகவலையும் வெளியிடவில்லை.

நேற்றைய செய்திகளுக்கு அப்பால் நிகழ்ச்சியில் ஐக்கிய தேசியகட்சியினர் தூதரங்களின் உதவியை நாடியுள்ளதாக தெரிவித்திருந்தமை குறிப்பிடத்தக்கது.

முதல் இணைப்பு

முன்னாள் ஜனாதிபதி ரணில் விக்ரமசிங்க கைதினை தொடர்ந்து ஐக்கிய தேசியக் கட்சியின் (UNP) மூத்த உறுப்பினர்கள் இந்திய உயர் ஸ்தானிகர் சந்தோஷ் ஜாவை நேற்றுமுன்தினம் சந்தித்தாக தகவல்கள் வெளியாகியிருந்தன.

கொழும்புக்கு வரவுள்ள அமெரிக்க தூதுக்குழுவையும் UNP உறுப்பினர்கள் சந்திக்க உள்ளதாகவும் தகவல் வெளியாகியுள்ளது.

சில முன்னணி சர்வதேச மனித உரிமை அமைப்புகள், ரணிலின் கைது தொடர்பான விவரங்களை அறிய ஐக்கிய தேசியக் கட்சி உறுப்பினர்களைத் தொடர்பு கொண்டுள்ளன.

மேலும், மூன்று முக்கிய நாடுகளின் அதிபர்கள் ஐக்கிய தேசியக் கட்சியின் பொதுச் செயலாளர் வஜிர அபேகுணவர்தனவுடன் தொலைபேசியில் பேசி, சமீபத்திய நிலவரங்கள் குறித்து விவாதித்ததாகவும் தகவல்கள் வெளியாகியுள்ளன.

எனினும் ஐக்கிய தேசியகட்சியினர் இந்த விடயங்கள் தொடர்பில் எந்த தகவலையும் வெளியிடவில்லை.

இந்த விடயங்கள் தொடர்பில் நோக்குகின்றது செய்திகளுக்கு அப்பால் நிகழ்ச்சி... 

கோட்டை நீதவான் நீதிமன்ற வளாகத்தில் பதற்றம்! பொலிஸார் மீது தாக்குதல்

ரணிலுக்காக 300 சட்டத்தரணிகள் முன்னிலை!

அஸ்கிரிய மகாநாயக்க தேரரை சந்தித்த ரணில் தரப்பினர்