நரகத்தில் விழுந்த இலங்கையை குறுகிய காலத்தில் மீட்டெடுத்தேன் : ஜனாதிபதி பெருமிதம்

முறையான திட்டம், அனுபவம் மற்றும் சர்வதேச தொடர்புகள் மூலமாகவே பொருளாதார வீழ்ச்சியை எதிர்கொண்ட நாட்டை மீட்க முடியும் என்ற நம்பிக்கையை ஏற்பட்டதாக ஜனாதிபதி ரணில் விக்கிரமசிங்க தெரிவித்துள்ளார்.

இன்றையதினம்(09) நாடாளுமன்றத்திற்கு விஜயம் செய்த ஜனாதிபதி ரணில் விக்கிரமசிங்க, நாடாளுமன்ற அமர்வில் விசேட உரையொன்றை ஆற்றியபோதே மேற்கண்டவாறு தெரிவித்துள்ளார். தொடர்ந்தும் உரையாற்றிய ஜனாதிபதி ரணில் விக்கிரமசிங்க,

முறையான திட்டம், அனுபவம் மற்றும் சர்வதேச தொடர்புகள் என்பவற்றின் காரணமாகவே தனியொரு நாடாளுமன்ற உறுப்பினராக இருந்த போதும் எவ்வித நிபந்தனைகளும் இன்றி நாட்டைப் பொறுப்பேற்றேன்.

அதன் ஊடாக நரகத்தில் விழுந்த நாட்டை மீட்க முடியும் என்ற நம்பிக்கை எனக்கு இருந்தது. ஒரு கடினமான நேரத்தில் பொருளாதாரத்தையும் நாட்டையும் கட்டியெழுப்புவதற்கான சவாலை நான் ஏற்றுக்கொண்டேன்.

எந்த நிபந்தனையுமின்றி நாட்டைக் கைப்பற்றினேன், அச்சமின்றி நாட்டைக் கட்டியெழுப்ப முடியும் என்ற நம்பிக்கை எனக்கு இருந்தது. இதேநேரம் வீழ்ச்சியடைந்த நாட்டை மீளக் கட்டியெழுப்ப பொருளாதார ஸ்திரப்படுத்தல் மற்றும் மீட்சித் திட்டங்கள் முறையாக நடைமுறைப்படுத்தப்பட்டுள்ளது.

அதன் விளைவாக 2023 ஆம் ஆண்டின் நடுப்பகுதியில் இருந்து பொருளாதார முன்னேற்றத்திற்கான பயணம் ஆரம்பமாகியுள்ளது. அத்துடன் 2024 ஆம் ஆண்டின் முதல் மூன்று மாதங்களில் டொலருக்கு நிகரான ரூபாவின் பெறுமதியை 300 ரூபாவை விட குறைக்க முடிந்ததோடு, அந்நிய செலாவணி கையிருப்பு 5 பில்லியன் டொலர்களுக்கு மேல் உயர்த்தப்பட்டுள்ளது.

சவாலான, கடினமான ஆனால் சரியான பாதையில் பயணிப்பதால் இந்த நிலையை அடைய முடிந்துள்ளது. . மேலும் இந்த ஆண்டு பொருளாதார வளர்ச்சி சுமார் மூன்று சதவீதமாக இருக்கும் என்று எதிர்பார்க்கப்படுகின்றது.

பல்வேறு உள்நாட்டு மற்றும் வெளிநாட்டு நிதி நிறுவனங்களும் இதற்கு நிகரான எதிர்வுகூறல்களை முன்வைத்துள்ளன இதேநேரம் தற்போது, நாட்டின் பணவீக்கம் 1.5% வரை வீழ்ச்சியடைந்துள்ளதோடு பல ஆண்டுகளாக பற்றாக்குறையில் இருந்த முதன்மைக் கணக்கின் இருப்பு, 2023 ஆம் ஆண்டில் மொத்த உள்நாட்டு உற்பத்தியில் 0.6 சதவீத உபரியாக மாற்ற முடிந்தது.

பல தசாப்தங்களுக்குப் பின்னர், 2023 ஆம் ஆண்டில் கொடுப்பனவுகளின் நடப்புக் கணக்கு உபரியாக உள்ளது. வட்டி விகிதம் 10% - 13% வரை வீழ்ச்சியடைந்துள்ளது . சவாலான மற்றும் கடினமான சாலையில் பயணிக்க முடிந்ததால் இந்த நிலைமை சாத்தியமானது.அத்தனை அவதூறுகளுக்கு மத்தியிலும் தொங்கு பாலத்தைக் கடக்க ஆரம்பித்து விட்டோம்.

அரசாங்க வருவாயை அதிகரிப்பதைத் தவிர வேறு எதுவும் செய்ய முடியவில்லை. எனவே நாட்டைக் கட்டியெழுப்ப யாராவது ஒரு மாற்றத்தைத் தொடங்க வேண்டும் எனவும் ஜனாதிபதி ரணில் விக்கிரமசிங்க தொடர்ந்தும் தெரிவித்துள்ளார்.

ஜனாதிபதி தேர்தலுக்கான காலம் அறிவிப்பு

இறக்குமதி செய்யப்படும் வாகனங்களின் விலையில் ஏற்படும் மாற்றம் தொடர்பில் வெளியாகியுள்ள தகவல்