லங்காசிறி FM
வவுனியா விவசாயிகளை ஏமாற்றிய தனியார் நிறுவனம்: பொலிஸார் தொடர்ந்தும் அசமந்தம்
வவுனியா (Vavuniya) - தாலிக்குளம் பகுதியில் உள்ள விவசாயிகளிடம் தனியார் நிறுவனமொன்று உளுந்து கொள்வனவு செய்து 20 இலட்சம் ரூபாய் பணத்தை ஏமாற்றியுள்ளதாக விவசாயிகள் குற்றம் சுமத்தியுள்ளனர்.
வடக்கு பகுதியை மையமாக கொண்டு இயங்கும் குறித்த தனியார் நிறுவனம் ஊடாக வவுனியா தாலிக்குளம் விவசாயிகளுக்கு செய்கைக்காக உளுந்து வழங்கப்பட்டுள்ளது.
பாதிக்கப்பட்ட விவசாயிகள்
இதனையடுத்து அறுவடை முடிந்த பின் தாம் வழங்கிய உளுந்தையும், அதற்கு மேலதிகமாக ஒவ்வொரு விவசாயிகளும் வழங்க வேண்டிய உளுந்தையும் குறித்த நிறுவனம் பெற்றுக் கொண்டுள்ளது.
அதன்பின்னர், விவசாயிகளிடம் இருந்த மேலதிக உளுந்தை நியாய விலையில் பெறுவதாக கூறி ஒரு கிலோ உளுந்து 1000 ரூபாய் என்ற அடிப்படையில் 8 விவசாயிகளிடம் 20 ஆயிரம் கிலோ உளுந்து 20 இலட்சம் ரூபாய் பெறுமதிக்கு குறித்த நிறுவனம் பெற்றுக் கொண்டதுடன், அதற்கு பற்றுச்சிட்டை வழங்கி குறிப்பிட்ட ஒரு மாத காலத்திற்குள் பணம் தருவதாக எழுத்து மூலம் வழங்கியுள்ளது.
இந்நிலையில் குறிப்பிட்ட திகதிக்குள் பணம் வழங்காமையால் ஏமாற்றமடைந்த விவசாயிகள் தனியார் நிறுவனத்திடம் சென்று பணத்தை கேட்ட போது விவசாயிகளிடம் தெளிவான பதிலை கூறவில்லை என்பதுடன் வவுனியா, உள்ள அலுவலகத்தையும் மூடி வைத்துள்ளனர்.
அத்துடன் தனியார் நிறுவனத்தின் வவுனியா பணிப்பாளரும் உரிய வகையில் பதில் அளிக்காமையால் பாதிக்கப்பட்டவர்களால் வவுனியா பொலிஸ் நிலையத்தில் முறைப்பாடு செய்யப்பட்ட போதும் தமக்கு இது வரை பணம் கிடைக்கவில்லை என பாதிக்கப்பட்ட விவசாயிகள் குற்றம் சாட்டியுள்ளனர்.
இதன்போது 8 விவசாயிகளிடம் இருந்து 20 ஆயிரம் கிலோ உளுந்து பெறப்பட்டுள்ளதுடன், 20 இலட்சம் ரூபாய் பணம் இதன் மூலம் மோசடி செய்யப்பட்டுள்ளது.
இதனால் விவசாயிகளும் அவர்களது குடும்பமும் பல்வேறு நெருக்கடிக்கு முகம் கொடுத்துள்ளதாக பாதிக்கப்பட்ட விசாயிகள் கவலை வெளியிட்டுள்ளனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
அதிரடியாக இந்த வாரம் மாறிய TRP ரேட்டிங் விவரம்.. டாப் 5ல் இடம்பெற்றுள்ள தொடர்கள் என்னென்ன? Cineulagam
80 ஆண்டுகளுக்குப் பிறகு இந்தியாவின் முதல் தங்க சுரங்கம் - ஆண்டுக்கு 750 கிலோ தங்கம் உற்பத்தி News Lankasri
புங்குடுதீவு 6ம் வட்டாரம், புங்குடுதீவு 4ம் வட்டாரம், Woodbridge, Canada
06 Jun, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
