லங்காசிறி FM
புதிய பிரதமர் தினேஸ் குணவர்த்தனவின் இந்திய தொடர்பு
இலங்கையின் புதிய பிரதமரான தினேஸ் குணவர்த்தனவின் இந்திய தொடர்பு குறித்து தகவல்கள் வெளியாகியுள்ளன.
தினேஸ் குணவர்த்தனவின் தந்தையான டொன் பிலிப் ரூபசிங்க குணவர்தன, இந்தியாவின் சுதந்திரப் போராட்டத்தில் பங்கு வகித்தவர் என்ற செய்தி தற்போது பரவலாக பேசப்படுகின்றது.பிலிப் குணவர்தன 1901ஆம் ஆண்டு ஜனவரி 11 ஆம் திகதி இலங்கையில் பிறந்துள்ளார்.
இலங்கையில் தனது உயர்கல்வியை முடிக்காமலேயே, இலினாய்ஸ் பல்கலைக்கழகத்தில் பொருளாதாரம் படிப்பதற்காக அமெரிக்காவுக்கு சென்றார். பின்னர் லண்டனுக்கு சென்று, சுதந்திரப் போராட்ட வீரர்களான ஜோமோ கென்யாட்டா மற்றும் ஜவஹர்லால் நேரு ஆகியோரைச் சந்தித்துள்ளார்.
ஏகாதிபத்திய எதிர்ப்பு அமைப்பு
மேலும் ஏகாதிபத்திய எதிர்ப்பு அமைப்பான இந்திய லீக்கில் கிருஷ்ண மேனன் மற்றும் நேருவுடன் இணைந்து பணியாற்றியுள்ளார்.
இந்தியாவை சேர்ந்த ஜவஹர்லால் நேரு, ஜெயப்பிரகாஷ் நாராயண் மற்றும் கிருஷ்ண மேனன் போன்ற உலகப் புகழ்பெற்ற தலைவர்கள் மற்றும் கென்யாவின் ஜோமோ கெனிட்டா, மெக்சிகோவின் ஜோஸ் வாஸ்கோன்செலோஸ் மற்றும் பலருடன் தொடர்பு கொள்ளும் வாய்ப்பு பிலிப் குணவர்தனவுக்கு கிடைத்துள்ளது.1942 இல், அவர் இந்தியாவுக்கு வந்து இந்தியாவின் சுதந்திரப் போராட்டத்திலும் பங்கேற்றுள்ளார்.
இதன்போது அவர் கைது செய்யப்பட்டு சிறையில் அடைக்கப்பட்டார். அவர் இந்தியாவில் கூட்டுறவு இயக்கத்தை மேம்படுத்துவதற்கான உத்வேகத்தை அளித்துள்ளார்.
பல்நோக்கு கூட்டுறவு சங்க அமைப்பை நிறுவி அறிமுகப்படுத்தியதன் மூலம் அவர் முன்னுதாரணமாக திகழ்ந்தவர். குருசாமி என்ற பெயரால் அழைக்கப்பட்ட பிலிப் குணவர்தன, இலங்கையில் 1935 இல் முதல் இடதுசாரி அரசியல் கட்சியான லங்கா சமசமாஜக் கட்சியை ஆரம்பித்தார்.
1943 இல் மீண்டும் இலங்கைக்கு அவர் அழைத்து வரப்பட்டு அங்கு ஆறு மாத
சிறைத்தண்டனை விதிக்கப்பட்டது.
எனினும் இலங்கையின் எதிர்கால முன்னேற்றத்தைக் காண கடுமையாக பாடுபட்டார் என்று
இந்திய ஊடகம் தெரிவித்துள்ளது.
இமயமலைக்கு அடியில் பிளவுபட்டு கொண்டிருக்கும் இந்திய தட்டு- புதிய புவியியல் கண்டுபிடிப்பு News Lankasri
கருப்பு படத்தில் பினு இறந்துவிட்டாரா, உயிரோடு இருக்கிறாரா? கிளைமாக்ஸ் பற்றி அவரே விளக்கம் Cineulagam
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
புங்குடுதீவு 7ம் வட்டாரம், London, United Kingdom
30 Jun, 2012
கொழும்புத்துறை, Vaddukoddai, Reggio Emilia, Italy, Slough, United Kingdom
07 Jun, 2026
கோண்டாவில் கிழக்கு, புத்தளம், Staten Island, New York, United States
11 Jun, 2026
