ஜனாதிபதி வேட்பாளர்கள் ஒரே மேடையில்: பொதுபல சேனாவின் புதிய முயற்சி

Sri Lanka Election Sri Lanka Presidential Election 2024

By Sivaa Mayuri Aug 06, 2024 11:58 PM GMT

Sivaa Mayuri

in அரசியல்

Report

Courtesy: Sivaa Mayuri

நாட்டின் அடுத்த ஜனாதிபதியை மக்கள் தீர்மானிப்பதற்கு உதவும் வகையில், முக்கிய அரசியல் தலைவர்கள், தமது கொள்கையை அறிவிப்பதற்காக சங்க மாநாட்டிற்கு அழைப்பு விடுக்க பொதுபல சேனா தீர்மானித்துள்ளது.

ஊடகங்களுக்கு கருத்து தெரிவித்த பொதுபல சேனாவின் செயலாளர் கலகொட அத்தே ஞானசார தேரர், அரசியல் செல்வாக்கு இல்லாத குறைந்தது 5,000 பௌத்த பிக்குகள் பங்கேற்கும் சங்க மாநாடு எதிர்வரும் இரண்டு அல்லது மூன்று வாரங்களுக்குள் நடத்தப்படும் என அறிவித்தார்.

"சுதந்திரம் அடைந்த 76 ஆண்டுகளில் பல்வேறு தலைவர்கள் தங்கள் கொள்கைகளுக்கு உட்பட்டு நாட்டை ஆட்சி செய்துள்ளனர்.

இந்த நிலையில், ஜனாதிபதி ரணில் விக்ரமசிங்க, சஜித் பிரேமதாச மற்றும் அனுரகுமார திஸாநாயக்க (AKD) ஆகிய ஒவ்வொரு கட்சித் தலைவர்களும் தங்கள் கொள்கைகளை மகா சங்கத்தினரிடம் முன்வைக்க வேண்டும்.

பொதுமக்களை இலக்காகக் கொண்டு, நிலைமை மற்றும் பிரதேசத்தின் அடிப்படையில் இந்த தலைவர்கள் அடிக்கடி பல்வேறு கொள்கைகளை அறிவிக்கின்றனர்.

மக்கள் பிரச்சினைகள்

எனினும், பொது மக்கள் எதிர்கொள்ளும் தற்போதைய பிரச்சினைகளுக்கு அவர்கள் பொறுப்புக் கூற வேண்டும். முக்கிய அரசியல் தலைவர்களின் அறிக்கைகள் மற்றும் உரைகளின்படி, மக்கள் எதிர்கொள்ளும் உண்மையான எரியும் பிரச்சினைகள் தீர்க்கப்படவில்லை.

ஜனாதிபதி வேட்பாளர்கள் ஒரே மேடையில்: பொதுபல சேனாவின் புதிய முயற்சி | Presidential Election 2024 Podhupala Sena

மோசடி மற்றும் தோல்விக்காக தலைவர்கள் ஒருவரையொருவர் குற்றம் சாட்டுவதை மக்கள் தொடர்ந்து கேட்கிறார்கள்.

இந்தநிலையில், அரசியலமைப்புச் சட்டத் திருத்தங்கள் அல்லது நாடாளுமன்றச் சட்டங்களைப் பற்றி பொதுமக்கள் கேட்க விரும்பவில்லை.

மாறாக அவர்களின் அன்றாடப் பிரச்சினைகளான செலவுகளை நிர்வகித்தல் மற்றும் குழந்தைகளின் கல்வி போன்றவற்றுக்குத் தீர்வு காண வேண்டும்.

எனவே, பிரதான அரசியல் தலைவர்களை ஒரே மேடையில் கொண்டுவந்து, பொதுக் கொள்கையொன்றை பிரகடனப்படுத்தி, புதிய ஜனாதிபதி தொடர்பில், மக்கள் அறிவார்ந்த தீர்மானத்தை எடுக்க பொதுபலசேனா உதவவுள்ளது” என அவர் மேலும் குறிப்பிட்டுள்ளார்.