யாழில் அழுகிய உருளைக்கிழங்கு விதைகள் விநியோகம்: விவசாயிகள் கடும் விசனம்

By Theepan Dec 18, 2023 08:09 AM GMT

Theepan

in சமூகம்

Report

யாழ்ப்பாண மாவட்டத்தில் விவசாயிகளுக்கு வழங்கப்பட இருந்த உருளைக்கிழங்கு விதைகள் பழுதடைந்துள்ளமை சர்ச்சையை ஏற்படுத்தியுள்ளது.

இந்நிலையில் இது தொடர்பாக ஆராயும் விசேட கூட்டம் இன்று (18.12.2023) நடைபெறவுள்ளது.

உலக வங்கியின் நிதி ஒதுக்கீட்டின் கீழ் யாழ் மாவட்ட உருளைக்கிழங்கு செய்கையாளர்களுக்கு வழங்குவதற்காக கொழும்பிலிருந்து எடுத்துவரப்பட்ட 16 மில்லியன் ரூபா பெறுமதியான 21 மெற்றிக் தொன் விதை உருளைக்கிழங்கு பழுதடைந்த நிலையில் காணப்படுவதாக விவசாயிகள் விசனம் தெரிவித்துள்ளனர்.

அழுகிய விதை உருளைக்கிழங்கு

குறித்த விதை உருளைக்கிழங்கு குப்பிளான் பகுதியில் உள்ள களஞ்சியத்தில் இறக்கப்பட்ட நிலையில் குறித்த கிழங்குகள் பழுதடைந்த நிலையில் காணப்பட்டமை அவதானிக்கப்பட்டது.

யாழில் அழுகிய உருளைக்கிழங்கு விதைகள் விநியோகம்: விவசாயிகள் கடும் விசனம் | Potato Seeds Distributed To Farmers In Jaffna

விவசாயிகளுக்கு வழங்குவதற்காக எடுத்து வரப்பட்ட உருளைக்கிழங்கில் பெரும்பாலானவை அழுகிய நிலையில் இருந்தமை கண்டறியப்பட்டுள்ளது.

கொழும்பிலிருந்து எடுத்து வரும்போதே விதைகள் பழுதடையும் தன்மை இருப்பது அவதானிக்கப்பட்டதாகவும் இதனால் விவசாயிகள் குறித்த விதை உருளைக்கிழங்கை நடுகை செய்வதற்கு மறுத்துள்ளதாக தெரியவருகிறது.