எரிபொருள் வரிசையில் குழப்பமான சூழ்நிலை! சாரதிகளுக்கு பொலிஸார் கடும் எச்சரிக்கை

Sri Lanka Police Sri Lankan Peoples Sri Lanka Fuel Crisis

By Dhayani Mar 16, 2026 01:54 PM GMT

Dhayani

in சமூகம்

Report

தேசிய எரிபொருள் அனுமதி QR அமைப்பு ஊடாக வரிசையில் வந்து எரிபொருள் பெறுபவர்களுக்கு மாத்திரம் வாய்ப்பு வழங்குமாறு அறிவுறுத்தப்பட்டுள்ளது.

போக்குவரத்து கட்டுப்பாடு மற்றும் வீதிப் பாதுகாப்புக்கு பொறுப்பான பிரதிப் பொலிஸ் மா அதிபர் டபிள்யூ. பி. ஜே. சேனாதீர இதனை தெரிவித்துள்ளார்.

குழப்பமான சூழ்நிலை

எரிபொருள் பெறும் ஆர்வத்தில் சில சாரதிகள் வரிசையில் நிற்காது வெளியே இருந்து எரிபொருளை பெறும்போது குழப்பமான சூழ்நிலை ஏற்பட வாய்ப்புள்ளது என்றும் குறிப்பிட்டுள்ளார்.

எரிபொருள் வரிசையில் குழப்பமான சூழ்நிலை! சாரதிகளுக்கு பொலிஸார் கடும் எச்சரிக்கை | Police Warn People In Fuel Queues

எனவே, வரிசையில் வராத எவருக்கும் எரிபொருள் வழங்க வேண்டாம் என்று எரிபொருள் நிரப்பு நிலைய உரிமையாளர்கள் மற்றும் பொலிஸாருக்கு அறிவிக்கப்பட்டுள்ளதாக டிஐஜி டபிள்யூ.பி.ஜே. சேனாதீர தெரிவித்துள்ளார்.

சில மோட்டார் சைக்கிள் சாரதிகள் நடைபாதையில் இருப்பதால் பாதசாரிகள் பெரும் சிரமத்தை எதிர்கொள்கின்றனர்.

இதன் காரணமாக பொதுமக்களின் பாதுகாப்பிற்காக பொலிஸார் நிறுத்தப்பட்டுள்ளனர். எனவே அனைத்து சாரதிகளும் பொறுமையாக வரிசையில் இருந்து எரிபொருளை பெறுமாறும் அறிவுறுத்தப்பட்டுள்ளது.