லங்காசிறி FM
கொழும்பைச் சுற்றியுள்ள வீட்டுத் தொகுதிகளில் பலத்த பாதுகாப்பு..!
கொழும்பிலும் அதைச் சுற்றியுள்ள, நகர அபிவிருத்தி அதிகாரசபை நிர்வகிக்கும் வீட்டுத் தொகுதிகளில் பாதுகாப்பை பலப்படுத்தவும் சட்டம் ஒழுங்கைப் பேணவும் பொலிஸாரும், நகர அபிவிருத்தி அதிகாரசபையும் கூட்டு முயற்சியை ஆரம்பித்துள்ளன.
பொலிஸ் மா அதிபர் சட்டத்தரணி பிரியந்த வீரசூரிய தலைமையில் கொழும்பு பிரதி பொலிஸ் மா அதிபர் நிஷாந்த டி சொய்சா தலைமையில் உயர்மட்ட கலந்துரையாடல் கொழும்பு பிரதிப் பொலிஸ் மா அதிபர் அலுவலகத்தில் இடம்பெற்றது.
விரிவான பொலிஸ் பாதுகாப்புத் திட்டத்தின் மூலம் நகர்ப்புற மறுமலர்ச்சித் திட்டத்தின் கீழ் வாழும் குடியிருப்பாளர்களின் உயிர்கள் மற்றும் உடைமைகளைப் பாதுகாப்பதை நோக்கமாகக் கொண்டது.
பாதுகாப்பு நடவடிக்கை
நகர அபிவிருத்தி அதிகாரசபையின் பணிப்பாளர் நாயகம் தமித் திசாநாயக்க அளித்த பரிந்துரைகளைத் தொடர்ந்து, அருகிலுள்ள பொலிஸ் நிலையங்களுக்குத் தேவையான பாதுகாப்பு நடவடிக்கைகளைச் செயல்படுத்துமாறு அறிவுறுத்தப்பட்டுள்ளது.
குறிப்பிட்ட சில குடியிருப்பு வளாகங்களில் நடைபெறும் போதைப்பொருள் கடத்தல் குறித்தும், அதற்காக பொதுச் சொத்துகளுக்கு இழைக்கப்படும் சேதங்கள் மற்றும் நாசவேலைகளுக்கும் இடையே உள்ளதாகக் கூறப்படும் தொடர்பு குறித்தும் அதிகாரிகள் விவாதித்தனர்.
கடுமையான சட்ட நடவடிக்கை
இதற்கான நடவடிக்கையாக, புதிய பொலிஸ் நிலையங்களை அமைத்தல், தற்போதுள்ள பொலிஸ் நிலைய வசதிகளைச் சீரமைத்து மேம்படுத்துதல், வழக்கமான ரோந்துப் பணிகளை அதிகரித்தல் மற்றும் பொதுச் சொத்துகளுக்கு எதிரான குற்றங்கள் மீது கடுமையான சட்ட நடவடிக்கைகளை மேற்கொள்ளுதல் ஆகியவற்றுக்கான திட்டங்கள் ஒப்புக்கொள்ளப்பட்டன.
கொழும்பு முழுவதும் உள்ள அதிக மக்கள் அடர்த்தி கொண்ட நகர்ப்புறக் குடியிருப்புகளில் வசிப்பவர்களின் நீண்டகாலப் பாதுகாப்பை உறுதி செய்வதற்கு, தொடர்ந்து ஒத்துழைப்புடன் செயல்படுவதன் முக்கியத்துவத்தை பொலிஸாரும் நகர்ப்புற அபிவிருத்தி அதிகாரசபையும் (UDA) வலியுறுத்தியுள்ளது.
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
முல்லைத்தீவு, கொய்யாத்தோட்டம், யாழ்ப்பாணம், Toronto, Canada
01 Oct, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026