திருகோணமலை நினைவேந்தலில் பொலிஸார் அடாவடித்தனம்: எழுந்துள்ள கண்டனம்

Sri Lanka Police Trincomalee Eastern Province

By Kumar May 15, 2024 10:42 AM GMT

Kumar

in சமூகம்

Report

திருகோணமலை (Trincomalee) சேனையூர் பகுதியில் முள்ளிவாய்க்கால் நினைவேந்தலில் பங்குபற்றியவர்களை அநாகரீகமான முறையில் கைது செய்த இலங்கை பொலிஸாரின் அத்துமீறலை கண்டிப்பதாக கிழக்கு பல்கலைக்கழக கலைகலாசார பீட மாணவர் ஒன்றியம் (Eastern University) விடுத்துள்ள அறிக்கையில் தெரிவிக்கப்பட்டுள்ளது.

இது தொடர்பில் அந்த அறிக்கையில் மேலும் தெரிவிக்கப்பட்டுள்ளதாவது,

முள்ளிவாய்க்காலில் படுகொலை செய்யப்பட்ட பொதுமக்களை நினைவுகூறும் முகமாக திருகோணமலை சம்பூர், சேனையூர் புவனகணபதி ஆலயத்தில் முள்ளிவாய்க்கால் கஞ்சி பரிமாறும் நிகழ்வு பொதுமக்களினால் முன்னெடுக்கப்பட்டிருந்தது.

சர்வதேச அழுத்தம்

குறித்த நினைவேந்தலில் பங்கெடுத்த பலர் கைது செய்யப்பட்டதை பல்கலைக்கழக மாணவர்கள் சார்பில் வன்மையாக கண்டிப்பதுடன் அவர்கள் அனைவரும் உடனடியாக விடுதலை செய்யப்படவேண்டும் என கேட்டுக்கொள்கின்றோம்.

திருகோணமலை நினைவேந்தலில் பொலிஸார் அடாவடித்தனம்: எழுந்துள்ள கண்டனம் | Police Brutality At Trincomalee Memorial

மேலும், தமிழர்களின் நினைவேந்தல் உரிமையைக்கூட மறுக்கும் இலங்கை அரசை சர்வதேசம் கண்டிப்பதுடன் கைது செய்யப்பட்டவர்களை விடுவிப்பதற்கு அழுத்தம் வழங்கவேண்டும் எனவும் கேட்டுக்கொள்கின்றோம் - என்றுள்ளது.