மக்கள் தேவையின்றி பீதியடைய வேண்டாம்! - அரசாங்கம் விடுத்துள்ள கோரிக்கை

COVID-19 Dr. Ramesh Pathirana Department of Government Information

By Murali Apr 22, 2021 01:09 AM GMT

Murali

in இலங்கை

Report

கோவிட் -19 அலை குறித்து வதந்திகள் பரப்பப்படுவதையும், தேவையில்லாமல் பீதியடைவதையும் மக்கள் தவிர்க்க வேண்டும் என்று அமைச்சரவை இணை பேச்சாளர் டாக்டர் ரமேஷ் பதிரன தெரிவித்துள்ளார்.

அரசாங்க தகவல் திணைக்களத்தில் இடம்பெற்ற செய்தியாளர் சந்திப்பில் கலந்துகொண்டு பேசிய அவர் இதனை கூறியுள்ளார். தொடர்ந்தும் கருத்து வெளியிட்ட அவர்,

“நாட்டில் தொற்றுநோய் கட்டுப்பாட்டில் உள்ளது, நோய் தொற்றை கட்டுப்படுத்த மருத்துவர்கள், செவிலியர்கள் உள்ளிட்ட சுகாதார அதிகாரிகள் அனைவரும் தயாராக உள்ளனர்.

கோவிட் -19 வழக்குகளில் கணிசமான உயர்வு இருப்பதை வலியுறுத்திய அவர், பொலிஸ் மற்றும் சுகாதார அதிகாரிகளால் விதிக்கப்பட்ட சுகாதார விதிமுறைகளை புறக்கணித்து மக்கள் பண்டிகை காலத்தை கொண்டாடியதை காண முடிந்தது எனவும் கூறியுள்ளார்.

தற்போதைய நிலைமை குறித்து அரசாங்கம் தீவிர அவதானம் செலுத்தியுள்ளது என கூறியுள்ள அவர், நிலைமை கட்டுப்பாட்டில் இருக்கும் என்று நம்பிக்கை வெளியிட்டுள்ளார்.

கம்பஹா மற்றும் கொழும்பில் கோவிட் -19 க்கு எதிராக குறைந்தது ஒரு மில்லியன் மக்களுக்கு தடுப்பூசி போடப்பட்டுள்ளது.

மூன்றாவது அலைகளைத் தவிர்ப்பதற்கு நாங்கள் அதிகபட்ச முன்னெச்சரிக்கை நடவடிக்கைகளை எடுத்துள்ளோம், எவ்வாறாயினும், தற்போதை நிலைமை குறித்து நாங்கள் மிகவும் கவனமாக இருப்போம்,” என மேலும் தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை