நாடாளுமன்ற உறுப்பினர்களை கொழும்பில் தங்குமாறு அறிவுறுத்தல்!

Parliament of Sri Lanka Deshabandu Tennakoon NPP Government

By Dharu Aug 02, 2025 07:43 AM GMT

Dharu

in சமூகம்

Report

பொலிஸ்மா அதிபர் தேசபந்து தென்னகோனை பதவி நீக்கம் செய்யும் பிரேரணை நாடாளுமன்றில் விவாதிக்கப்படவுள்ள நிலையில், அனைத்து ஆளும் கட்சி எம்.பி.க்களும் கொழும்பில் தங்கியிருக்குமாறு அறிவிக்கப்பட்டுள்ளது.

பிரேரணை மீதான விவாதத்தின் போது, நாடாளுமன்றத்திலும் அதைச் சுற்றியுள்ள பகுதிகளிலும் பாதுகாப்பை பலப்படுத்த நாடாளுமன்றத் தலைவர்கள் நடவடிக்கை எடுத்துள்ளதாகவும் கூறப்படுகிறது.

குறித்த விவாதம் எதிர்வரும், செவ்வாய்க்கிழமை (05) நாடாளுமன்றில் விவாதிக்கப்படவுள்ளது

விவாதத்தின் பின்னர் அன்று பிற்பகல் வாக்கெடுப்பு நடைபெறும். நிலையியற் கட்டளைகளின்படி, இந்தப் பிரேரணை நிறைவேற்றப்பட வேண்டுமானால், நாடாளுமன்றத்தின் மொத்த உறுப்பினர்களில் பாதி பேர் (113) வாக்களிக்க வேண்டும்.

பொலிஸ் மா அதிபர் பதவி

வருகை தராதவர்கள் உட்பட, நாடாளுமன்றத்தின் அமைப்பைக் கருத்தில் கொண்டு, இந்தப் பிரேரணை நிச்சயமாக நிறைவேற்றப்படும் என்று அரசியல் விமர்சகர்கள் சுட்டிக்காட்டுகின்றனர்.

இந்தப் பிரேரணை நிறைவேற்றப்பட்டால், சபாநாயகர் அதனை ஜனாதிபதிக்கு அறிவிப்பார்.

நாடாளுமன்ற உறுப்பினர்களை கொழும்பில் தங்குமாறு அறிவுறுத்தல்! | Parliamentarians Instructed To Remain In Colombo

அத்தகைய அறிவிப்புக்குப் பிறகு, ஜனாதிபதி அரசியலமைப்பு சபைக்கு பொலிஸ் மா அதிபர் பதவிக்கான பரிந்துரையை பரிந்துரைப்பார்.

இதன்படிபிரேரணை நிறைவேற்றப்பட்டால் இந்த நாட்டில் ஒரு பொலிஸ்மா அதிபர் நாடாளுமன்றத் தீர்மானத்தின் மூலம் பதவி நீக்கம் செய்யப்படுவது இதுவே முதல் முறை என்று வட்டாரங்கள் தெரிவிக்கின்றன.

தேசபந்து தென்னகோனுக்கு எதிரான தவறான நடத்தை குற்றச்சாட்டுகளை விசாரித்த மூன்று பேர் கொண்ட நாடாளுமன்றக் குழு, அனைத்து குற்றச்சாட்டுகளிலும் அவர் குற்றவாளி எனக் கண்டறிந்து, அவரைப் பணியில் இருந்து நீக்க பரிந்துரைத்தது.

தேசபந்து தென்னகோன்

தேசபந்து தென்னகோனை பதவி நீக்கம் செய்யும் பிரேரணை நாளை மறுதினம் (4) நாடாளுமன்றத்தின் நிகழ்ச்சி நிரலில் வைக்கப்படும்.

தேசபந்து தென்னகோனை பதவியில் இருந்து நீக்குவதற்கான பிரேரணைக்கு ஆதரவாக வாக்களிக்க மூன்று முக்கிய கட்சிகள் ஏற்கனவே முடிவு செய்துள்ளன.

தேசிய மக்கள் கட்சி, ஐக்கிய மக்கள் கட்சி மற்றும் தமிழ் தேசியக் கூட்டமைப்பு ஆகிய மூன்று கட்சிகளும் இதற்கு ஒப்புதல் அளித்துள்ளதாக கூறப்படுகிறது.

பொலிஸ் மா அதிபர் தேசபந்து தென்னகோனை பதவி நீக்கம் செய்வதற்கான பிரேரணை மீதான விவாதத்தின் போது, நாடாளுமன்றத்திலும் அதைச் சுற்றியுள்ள பகுதிகளிலும் பாதுகாப்பை பலப்படுத்த நாடாளுமன்றத் தலைவர்கள் நடவடிக்கை எடுத்துள்ளனர்.