லங்காசிறி FM
தலவாக்கலை - ஹட்டன் தனியார் பேருந்து சாரதிகள் தொடர்ந்தும் இரண்டாவது நாளாக பணிப்பகிஷ்கரிப்பு
தலவாக்கலை - ஹட்டன் பிரதான வீதியில் சேவையில் ஈடுபடும் தனியார் பேருந்து ஊழியர்கள் இரண்டாவது நாளாகவும் பணிப்பகிஷ்கரிப்பில் ஈடுபட்டு வருகின்றனர்.
கடந்த (30) ஆம் திகதி மாலை நுவரெலியா - தலவாக்கலை பேருந்து சாரதிக்கும் நுவரெலியா - ஹட்டன் சொகுசு பேருந்து சாரதியிடையே தனிப்பட்ட முறையில் கருத்து முரண்பாடு ஏற்பட்டது.
பின்னர் அது கைகலப்பாக மாறி இருவருக்கும் இடையே மோதல் ஏற்பட்டுள்ளது.
தீடீர் பணிப்பகிஷ்கரிப்பு
இந்நிலையில், அன்றிரவு அடையாளம் தெரியாத நபர்களால் நுவரெலியா - தலவாக்கலை பிரதான வீதியில் சேவையில் ஈடுபடும் இரண்டு பேருந்துக்களின் முன் பக்கம் உள்ள கண்ணாடிகள் மீது தாக்குதல் நடத்தி சேதப்படுத்தப்பட்டுள்ளன.
இதன் காரணமாக நேற்று(01) காலை முதல் நுவரெலியா - தலவாக்கலை தனியார் பேருந்து சாரதிகள் மற்றும் நடத்துனர்கள் தீடீர் பணிப்பகிஷ்கரிப்பில் ஈடுபட்டு வருகின்றனர்.
இதற்கு ஆதரவாக தலவாக்கலை - ஹட்டன் பிரதான வீதியில் சேவையில் ஈடுபாடும் தனியார் பேருந்து ஊழியர்களும் இன்று இரண்டாவது நாளாகவும் பணிப்பகிஷ்கரிப்பில் ஈடுபட்டு வருகின்றனர்.
இவ்வாறு நேற்றைய தினம் பணிப்பகிஷ்கரிப்பில் ஈடுபட்டு வந்த தனியார் பேருந்து சாரதிகளும் நடத்துனர்களும் இணைந்து சேவையில் ஈடுபட்ட நுவரெலியா - ஹட்டன் சொகுசு பேருந்துகளுக்கும் அதில் பயணம் செய்த பயணிகளுக்கும் லிந்துலை மற்றும் தலவாக்கலை பகுதிகளில் நடுவீதியில் தடுத்து நிறுத்தப்பட்டு தகாத வார்த்தைகளால் திட்டி அராஜகமாக செயல்பட்டதாக தெரிவித்து இன்று(02) நுவரெலியா - ஹட்டன் பிரதான வீதியில் சேவையில் ஈடுபடும் சொகுசு பேருந்து சாரதிகளும் நடத்துனர்களும் பணிப்பகிஷ்கரிப்பில் ஈடுபட்டு வருகின்றன.
குறித்த பணிப்பகிஷ்கரிப்பு காரணமாக பேருந்து பயணங்களை மேற்கொள்ளும் பாடசாலை மாணவர்கள், ஆசிரியர்கள், ஊழியர்கள், பொதுமக்கள் என பல்வேறு தரப்பினரும் பெரும் சிரமங்களை எதிர்நோக்கி வருகின்றமை குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
கடும் கட்டுப்பாடுகளை மீறி... கப்பல் கப்பலாக: வடகொரியாவின் கோரிக்கையை நிறைவேற்றிய ரஷ்யா News Lankasri
ரூ 6,000 கோடி மதிப்பிலான பிட்காயினை குப்பையில் வீசிய பிரித்தானியர்: சட்ட நடவடிக்கை எடுக்க முடிவு News Lankasri
முக்கிய இடத்தில் விஜய்யின் கோட் பட வசூல் சாதனையை முறியடித்துள்ள சூர்யாவின் கங்குவா.. முழு விவரம் Cineulagam
மூன்றாம் உலகப்போர் அச்சம்: அணுகுண்டு வீச்சிலிருந்து தப்ப Bunker வாங்க அலைமோதும் பிரித்தானியர்கள் News Lankasri
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
