நானுஓயாவில் கோர விபத்து! பேருந்து சக்கரத்தில் சிக்கி பெண் படுகாயம் - சாரதி கைது

Sri Lanka Police Nuwara Eliya Sri Lanka Police Investigation Accident

By Thiva Mar 31, 2026 06:02 AM GMT

Thiva

in விபத்து

Report

நுவரெலியா - ஹட்டன் ஏ7 பிரதான வீதியில் நானுஓயா டெஸ்போட் பகுதியில் தலவாக்கலையிலிருந்து நுவரெலியா நோக்கி பயணித்த அரச பேருந்து சக்கரத்தில் சிக்கிய பெண் ஒருவர் படுகாயமடைந்துள்ளார்.

இவ்விபத்து இன்று செவ்வாய்க்கிழமை (31) காலை இடம்பெற்றுள்ளதாக பொலிஸார் தெரிவித்துள்ளனர்.

விபத்துக்கான காரணம்

தலவாக்கலையிலிருந்து நுவரெலியா நோக்கி பயணித்த அரச பேருந்தில் ஏறுவதற்கு முற்பட்ட வேளையில் மிதிபலகையிலிருந்து தவறி விழுந்த பெண் படுகாயமடைந்த நிலையில் நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளதாக நானுஓயா பொலிஸார் தெரிவித்துள்ளனர்.

நானுஓயாவில் கோர விபத்து! பேருந்து சக்கரத்தில் சிக்கி பெண் படுகாயம் - சாரதி கைது | Nuwaraeliya Nanuoya Accident

குறித்த பேருந்தின் மிதிபலகையில் ஒரு காலினை வைத்து ஏறும் போது தவறுதலாக வீதியில் வீழ்ந்துள்ளனர். இதன்போது பெண்ணின் மீது பேருந்தின் முன்பக்க சக்கரத்தில் சிக்கி இரு கால்களும் நசுங்கி பலத்த காயம் ஏற்பட்டுள்ளது .

இவ்விபத்துடன் தொடர்புடைய பஸ் சாரதி கைது செய்யப்பட்டுள்ளதாக பொலிஸார் தெரிவித்துள்ளனர்.

தினமும் ஹட்டன் முதல் நுவரெலியா வரை சேவையில் ஈடுபடும் பேருந்து இன்றைய (31) தினம் இயங்கவில்லை எனவும், இதனால் குறித்த பேருந்து தலவாக்கலையில் இருந்து புறப்படும் போதே அதிக பயணிகள் இருந்துள்ளனர்.

பொதுமக்கள் குற்றச்சாட்டு

இதனால் நானுஓயா டெஸ்போட் பகுதியில் பேருந்தினை நிறுத்தாமல் பாரிய வளைவு ஒன்றில் பேருந்தினை மெதுவாக இயக்க முற்பட்டபோது குறித்த பெண் பேருந்தினை நிறுத்துவதாக நினைத்து பேருந்தில் ஏறுவதற்கு முயன்ற போதே குறித்த விபத்து நிகழ்ந்துள்ளமை தெரியவந்துள்ளது.