நுவரெலியா மாவட்டத்தின் பல பகுதிகளில் கடும் மழை - சாரதிகளுக்கு பொலிஸாரின் முக்கிய அறிவுறுத்தல்

Sri Lanka Police Badulla Kandy Nuwara Eliya Weather

By Thiva May 13, 2026 07:17 AM GMT

Thiva

in சமூகம்

Report

மத்திய மலை நாட்டில் கடந்த சில தினங்களாக நிலவி வரும் சீரற்ற வானிலையால் நுவரெலியா மாவட்டத்தின் பல பகுதிகளில் தொடர்ந்து கடும் மழை பெய்து வருகின்றது.

குறிப்பாக நுவரெலியா பிரதான நகர், ஹவாஎலிய,கந்தபளை, நானுஓயா, ரதல்ல, தலவாக்கலை போன்ற இடங்களில் தொடர்ந்து கடும் மழை மற்றும் அடர்ந்த பனிமூட்டம் நிறைந்த காலநிலை காணப்படுகின்றன.

வீதிகளில் ஆபத்து ஏற்பட வாய்ப்பு

மேலும் இன்று (13) அதிகாலை முதல் மழையுடன் கூடிய அடர்ந்த பனிமூட்டம் காணப்படுவதால், வாகனங்களுக்கு இடையிலான தூரத்தை அவதானிப்பதில் சிரமம் ஏற்பட்டுள்ளது.

நுவரெலியா மாவட்டத்தின் பல பகுதிகளில் கடும் மழை - சாரதிகளுக்கு பொலிஸாரின் முக்கிய அறிவுறுத்தல் | Nuwaraeliya Distric Weather Update

பனிமூட்டத்தால் வீதிகளில் ஆபத்துகள் ஏற்பட வாய்ப்புள்ளதால், வேகத்தைக் குறைத்து, முகப்பு விளக்குகளை (Fog lights) ஒளிரவிட்டுச் செல்லுமாறு போக்குவரத்துப் பொலிஸார் சாரதிகளை வலியுறுத்தியுள்ளனர்.

இதில் அதிகமாக நுவரெலியா - பதுளை பிரதான வீதி , நுவரெலியா - ஹட்டன் பிரதான வீதி மற்றும் நுவரெலியா - கண்டி பிரதான வீதிகளில் வாகனப் போக்குவரத்து அதிகமாக உள்ளமையால் சாரதிகள் மிகவும் அவதாரத்துடன் செயல்பட வேண்டும் என போக்குவரத்து பொலிஸார் சாரதிகளுக்கு வேண்டுகோள் விடுகின்றனர்.

வீதிகளில் பாதுகாப்பாக பயணிக்குமாறு கோரிக்கை

நுவரெலியா மாவட்டத்தில் தொடர்ந்து இடைவிடாது மழை பெய்து வருவதால், ஏற்கெனவே மழையால் அதிகம் பாதிக்கப்பட்ட நுவரெலியா - ஹட்டன் ,நுவரெலியா - கண்டி, நுவரெலியா- பதுளை பிரதான வீதிகளில் சீரமைப்புப் பணிகள் தொய்வடைந்து உள்ளன.

எனவே குறித்த வீதிகளில் பாதுகாப்பாக பயணிக்குமாறு கோரிக்கை விடுத்துள்ளனர். தற்போது காணப்படும் மாறுபட்ட இந்தக் காலநிலையின் காரணமாக கடுமையான குளிரும் நிலவி வருகிறது.