கனடாவில் அதிர்ச்சியை தோற்றுவித்த நிஜ்ஜார் படுகொலை விவகாரம்: வெளியானது சிசிரீவி காட்சிகள்

காலிஸ்தான் அமைப்பின் தலைவர் ஹர்தீப் சிங் நிஜ்ஜார் கொலை செய்யப்பட்ட சிசிரீவி காட்சிகள் தற்போது கனேடிய பொலிஸாரால் வெளியிடப்பட்டுள்ளன.

அடையாளம் தெரியாத நபர்கள் நிஜ்ஜாரின் வாகனத்தை மறித்து அவர் மீது துப்பாக்கி பிரயோகம் மேற்கொள்ளவதை குறித்த காணொளியில் பதிவாகியுள்ளது.

அடையாளம் தெரியாத நபர்கள் சுமார் 50 முறை துப்பாக்கியால் சுட்டதாகவும் இதில் ஹர்தீப் சிங் நிஜ்ஜார் மீது 34 குண்டுகள் பாய்ந்ததாகவும் கூறப்படுகிறது.

CBC Canada has now published footage of Nijjar's murder

pic.twitter.com/1DaLNoGYOP

— Crime Reports India (@AsianDigest) March 9, 2024

கனடா அதிகாரிகள் விசாரணை

ஹர்தீப் சிங் நிஜ்ஜார் கொலை செய்யப்பட்ட பகுதியான குருத்வாராவில் உள்ள சிசிரீவி கருவியில் தாக்குதல் சம்பவம் பதிவான நிலையில் அதை வைத்து கனடா அதிகாரிகள் விசாரணைகளை ஆரம்பித்திருந்தனர்.

காலிஸ்தான் அமைப்பின் படையின் தலைவர் ஹர்தீப் சிங் நிஜ்ஜார் கடந்த ஜூன் மாதம் சுட்டுக்கொல்லப்பட்டப்பட்டார்.

இந்த கொலையில் இந்தியாவுக்கு தொடர்பு இருக்கலாம் எனவும் இந்தியாவின் இரகசிய முகவர்கள் இதனை செய்திருக்கலாம் என கனடா பிரதமர் ஜஸ்டின் ட்ரூடோ பகிரங்கப்படுத்தியிருந்தார்.

குறித்த குற்றச்சாட்டை இந்தியா முழுவதுமாக மறுத்தது. ஹர்தீப்சிங் நிஜ்ஜர் கொல்லப்பட்ட விவகாரத்தில் இந்தியா - கனடா இடையே கடும் மோதல் போக்கு உருவாகியது.

இதனை தொடர்ந்து இந்திய தூதரக உயர் அதிகாரியை கனடா அரசு நாட்டை விட்டு வெளியேற்றியது. இதற்கு பதிலடி கொடுக்கும் வகையில் இந்தியாவும் கனடா தூதரக உயர் அதிகாரியை நாட்டைவிட்டு வெளியேற்றியது.

இந்தியா - கனடா விரிசல்

இதன் காரணமாக இருநாடுகளின் தூதரக உறவில் விரிசல் ஏற்பட்டு, பதற்றமான சூழல் உருவாகியது. இந்நிலையில் ''கனடா விவகாரம் குறித்து செய்தியாளர்களுக்கு அறிக்கை அளித்த இந்திய வெளியுறவுத்துறை செய்தி தொடர்பாளர், கனடா பயங்கரவாதிகளின் புகலிடமாக விளங்குவதகாக பகிரங்கமாக குற்றம் சாட்டியிருந்தார்.

இதன்படி ஹர்தீப் சிங் நிஜ்ஜார் கொல்லப்பட்ட விவகாரத்தால் , இந்தியா - கனடா இடையே முன்னெப்போதும் இல்லாத வகையில் விரிசல் ஏற்படுத்தியிருந்தது.

ஹர்தீப் சிங் நிஜ்ஜார் கொல்லப்பட்ட விவகாரத்தில் ஆதாரங்கள் எதையும் கனடா வழங்கவில்லை என்று இந்தியா கனடாவை குற்றம் சுமத்தியது. இவ்வாறாக இருநாடுகளுக்கும் இடையே வார்த்தை மோதலும் அதிகரித்தது.

இந்த நிலையில், தான் ஹர்தீப் சிங் நிஜ்ஜார் கொல்லப்பட்டது தொடர்பாக சிசிரீவி பதிவும் வெளியாகியுள்ளது.

அதாவது, கனடாவின் பிரிட்டிஷ் கொலம்பியாவில் உள்ள சர்ரே பகுதியில் உள்ள சீக்கிய குருத்வாராவுக்கு வெளியே வைத்து ஹர்தீப் சிங் நிஜ்ஜார் தனது வாகனத்தில் இருந்த போதுதான் இந்த கொலை அரங்கேற்றப்பட்டுள்ளது.

கார் ஒன்றில் வந்த மர்ம நபர்கள் கண்ணிமைக்கும் நேரத்தில் சரமாரியாக சுட்டுவிட்டு தப்பி செல்லும் காட்சி இதில் பதிவாகியுள்ளது. அடையாளம் தெரியாத நபர்கள் சுமார் 50 முறை துப்பாக்கியால் சுட்டதாகவும் இதில் ஹர்தீப் சிங் நிஜ்ஜார் மீது 34 குண்டுகள் பாய்ந்ததாகவும் அங்கிருந்த சில குழுவினர் தெரிவித்துள்ளனர். 

இந்தியாவின் உதவியை நிராகரித்த கனடா: உச்சிமாநாட்டால் ஏற்பட்ட விரிசல்

இந்தியா வாழ் கனேடியர்களுக்கு விடுக்கப்பட்டுள்ள எச்சரிக்கை

கனடா - இந்தியா உறவு: திடீரென மாற்றுக் கருத்தை வெளியிட்ட ஜஸ்டின் ட்ரூடோ

இந்திய அரசுடனான மோதல் உக்கிரம்: கனேடியர்களுக்கு விடுக்கப்பட்ட அவசர அறிவித்தல்

படுகொலை விசாரணையில் இந்தியா ஒத்துழைக்க வேண்டும்: குரல் கொடுக்கும் அமெரிக்க தரப்பு

கனடா-இந்தியா உறவில் தொடர் பதற்றம்: மீண்டும் குற்றம் சுமத்திய ஜஸ்டின் ட்ரூடோ