அடுத்துவரும் 3 நாட்களுக்கு வானிலையில் ஏற்படவுள்ள மாற்றம் - பொதுமக்களுக்கு விடுக்கப்பட்டுள்ள எச்சரிக்கை

Colombo Galle Puttalam Weather

By Dhayani May 24, 2026 11:33 AM GMT

Dhayani

in சமூகம்

Report

எதிர்வரும் மே 26 அல்லது 27 ஆம் திகதிகளில் தென்மேற்கு பருவப்பெயர்ச்சி காலநிலை நாட்டை வந்தடையக்கூடும் என்பதால், அந்த நாட்களில் நாட்டின் தென்மேற்கு பிராந்தியத்தில் மழைவீழ்ச்சி அதிகரிக்கக்கூடும் என வளிமண்டலவியல் திணைக்களம் எதிர்வு கூறியுள்ளது.

குறிப்பாக மே 26, 27 மற்றும் 28 ஆகிய திகதிகளில் மழைப்பொழிவு சற்றே அதிகரிக்கும் என்றும் திணைக்களம் தெரிவித்துள்ளது.

அடுத்த 24 மணி நேர வானிலை முன்னறிவிப்பு

இதேவேளை, சுற்றியுள்ள கடல் பகுதிகளுக்கான அடுத்த 24 மணி நேர வானிலை முன்னறிவிப்பு வெளியிடப்பட்டுள்ளது.

அடுத்துவரும் 3 நாட்களுக்கு வானிலையில் ஏற்படவுள்ள மாற்றம் - பொதுமக்களுக்கு விடுக்கப்பட்டுள்ள எச்சரிக்கை | Next Week Weather Report Srilanka

இதற்கிடையில், வங்காள விரிகுடா மற்றும் அரபிக்கடலில் அடுத்த 3 நாட்களுக்கு 'பலத்த காற்று மற்றும் கடல் கொந்தளிப்பாக இருக்கும் என வானிலை முன்னறிவிப்பு வெளியிடப்பட்டுள்ளது.

கொழும்பு மற்றும் காலி வழியாக புத்தளம் முதல் ஹம்பாந்தோட்டை வரையிலான கடலோரப் பகுதிகளில் ஆங்காங்கே மழை அல்லது இடியுடன் கூடிய மழை பெய்யும் என குறிப்பிடுகிறது.

மாலை அல்லது இரவு நேரங்களில் நாட்டை சுற்றியுள்ள மற்ற கடல் பகுதிகளில் சில இடங்களில் மழை அல்லது இடியுடன் கூடிய மழை பெய்யக்கூடும் என குறிப்பிடுகிறது.

கடல் பகுதிகள் கொந்தளிப்பாக மாறக்கூடும்

தென்மேற்கிலிருந்து வீசும் மற்றும் காற்றின் வேகம் மணிக்கு சுமார் (30-40) கி.மீ. ஆக இருக்கும். காங்கேசன்துறை முதல் புத்தளம், கொழும்பு, காலி மற்றும் ஹம்பாந்தோட்டை முதல் பொத்துவில் வரையிலான கடலோரப் பகுதிகளில் காற்றின் வேகம் அவ்வப்போது மணிக்கு சுமார் (50-60) கி.மீ. வரை அதிகரிக்கக்கூடும்.

நாட்டை சுற்றியுள்ள மற்ற கடல் பகுதிகளில் காற்றின் வேகம் அவ்வப்போது மணிக்கு சுமார் 50 கி.மீ. வரை அதிகரிக்கக்கூடும்.

புத்தளம், கொழும்பு, காலி மற்றும் ஹம்பாந்தோட்டை வழியாக காங்கேசன்துறை முதல் பொத்துவில் வரையிலான கடலோரப் பகுதிகளில் கடல் அவ்வப்போது சீற்றத்துடன் காணப்படும்.

நாட்டை சுற்றியுள்ள மற்ற கடல் பகுதிகள் அவ்வப்போது மிகவும் கொந்தளிப்பாக இருக்கும். புத்தளத்திலிருந்து கொழும்பு, காலி மற்றும் ஹம்பாந்தோட்டை வழியாக பொத்துவில் வரையிலான கடற்கரையில் கடல் மட்டம் சுமார் (2.0 – 2.5) மீட்டர் வரை அதிகரிக்க வாய்ப்புள்ளது.

மேலும், இடியுடன் கூடிய மழையின் போது, கடல் பகுதிகளில் தற்காலிகமாக பலத்த காற்று வீசக்கூடும் என்றும், கடல் பகுதிகள் மிகவும் கொந்தளிப்பாக மாறக்கூடும் என்றும் தெரிவிக்கப்பட்டுள்ளது.