லங்காசிறி FM
அமெரிக்கத் தேர்தல் தொகுதி மறுசீரமைப்பில் புதியதொரு மாற்றம் - ட்ரம்ப்பின் ஆட்சி மாறுமா..!
அமெரிக்க நாடாளுமன்றத்தின் பிரதிநிதிகள் சபைக்கான இடைக்காலத் தேர்தல் இந்த ஆண்டு இறுதியில் நடைபெறவுள்ள நிலையில், அந்நாட்டு உயர் நீதிமன்றத்தின் சமீபத்திய தீர்ப்பு தேர்தல் களத்தில் பெரும் மாற்றங்களை ஏற்படுத்தியுள்ளது.
தொகுதிகளின் எல்லைகளை ஆளும் கட்சிகள் தங்களுக்குச் சாதகமாக மாற்றியமைக்கும் “ஜெரிமாண்டரிங்” முறையை உயர் நீதிமன்றம் அனுமதித்துள்ளதால், போட்டி நிறைந்த தொகுதிகளின் எண்ணிக்கை முன்னெப்போதும் இல்லாத வகையில் குறைந்துள்ளதாக அரசியல் வல்லுநர்கள் எச்சரிக்கின்றனர்.
32 தொகுதிகளில் கடும் போட்டிகள்
ரொய்ட்டர்ஸ் செய்தி நிறுவனத்தின் ஆய்வின்படி, மொத்தமுள்ள 435 இடங்களில் வெறும் 32 இடங்கள் மட்டுமே தற்போது கடும் போட்டி நிலவும் தொகுதிகளாகக் கருதப்படுகின்றன.
மீதமுள்ள தொகுதிகளில் 85 சதவீதத்திற்கும் அதிகமான இடங்கள் 375 இடங்களில் ஏதேனும் ஒரு கட்சிக்குச் சாதகமான பாதுகாப்பான தொகுதிகளாக வகைப்படுத்தப்பட்டுள்ளன.
இதனால், அமெரிக்க நாடாளுமன்றத்தின் கட்டுப்பாட்டைத் தீர்மானிக்கும் சக்தி வெறும் 10 சதவீதத்திற்கும் குறைவான வாக்காளர்களின் கைகளிலேயே இருக்கும் நிலை உருவாகியுள்ளது.
அமெரிக்க அரசியலில் முக்கிய மாற்றம்
குறிப்பாக, வாக்களிப்பு உரிமைச் சட்டத்தின் கீழ் சிறுபான்மையினருக்கு வழங்கப்பட்டிருந்த பாதுகாப்புகளை உயர் நீதிமன்றம் தளர்த்தியுள்ளதால், கருப்பின மற்றும் இலத்தீன் அமெரிக்க வாக்காளர்கள் பெரும்பான்மையாக உள்ள ஒரு டஜன் அல்லது அதற்கும் மேற்பட்ட தொகுதிகள் குறிவைக்கப்படலாம் என அஞ்சப்படுகிறது.
இத்தகைய தொகுதி மறுசீரமைப்பால் மிதவாத அரசியல்வாதிகளின் எண்ணிக்கை குறைந்து, தீவிரப் போக்குடையவர்கள் நாடாளுமன்றத்திற்குத் தேர்ந்தெடுக்கப்படும் வாய்ப்பு அதிகரித்துள்ளது.
இது நாடாளுமன்றச் செயல்பாடுகளில் கடும் மோதல்களையும் உற்பத்தித் திறன் குறைவையும் ஏற்படுத்தும் என ஆய்வாளர்கள் சுட்டிக்காட்டுகின்றனர்.
கடந்த 2000ஆம் ஆண்டில், ஒரு கட்சியின் ஜனாதிபதி வேட்பாளருக்கு வாக்களித்த தொகுதியிலேயே மற்றொரு கட்சியின் நாடாளுமன்ற உறுப்பினரைத் தேர்ந்தெடுக்கும் “பிரிப்பு வாக்கு” முறை 86 தொகுதிகளில் இருந்தது.
ஆனால், 2024இல் அந்த எண்ணிக்கை 16 ஆகக் குறைந்துள்ளது, இது அமெரிக்க அரசியலில் அதிகரித்து வரும் பிளவையே காட்டுகிறது.
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
யாழ் சண்டிலிப்பாய் வடக்கு, Jaffna, நல்லூர், திருநெல்வேலி, யாழ்ப்பாணம், கனடா, Canada
02 May, 2021
