லங்காசிறி FM
மகேந்திரனை இலங்கைக்கு அழைத்து வருவது தொடர்பில் தொடர்ந்து பேச்சுவார்த்தை!
மத்திய வங்கியின் முதலாவது பிணைமுறிகள் மோசடி தொடர்பில் தொடரப்பட்டுள்ள வழக்கின் முதலாவது பிரதிவாதியான மத்திய வங்கியின் முன்னாள் ஆளுநர் அர்ஜுன மகேந்திரனை நாடு கடத்தல் சட்டத்தின் கீழ் நாட்டுக்கு அழைத்து வருவது தொடர்பில் இரு நாட்டு சட்டமா அதிபர்களுக்கும் இடையில் தொடர்ந்தும் தகவல்கள் பரிமாறப்பட்டு வருகின்றன என்று ச ட்டமா அதிபர் இன்று மேல் மாகாண நிரந்தர மூவரடங்கிய நீதிபதிகள் குழாமுக்கு அறிவித்துள்ளார்.
குறித்த பேச்சுவார்த்தை வெற்றியளிக்காவிடின் அர்ஜுன மகேந்திரனின்றி வழக்கைத் தொடர்ந்து நடத்துவதற்கு சட்டமா அதிபர் எதிர்பார்த்துள்ளதாக மேலதிக சொலிசிட்டர் ஜெனரல் பிரியந்த நாவான தெரிவித்தார்.
இரு நாடுகளினதும் சட்டமா அதிபர்களுக்கும் இடையிலான பேச்சுவார்த்தை வெற்றியளிக்காவிட்டால் சட்டமா அதிபரால் எடுக்கப்படும் அடுத்தகட்ட நடவடிக்கை என்ன என்பது தொடர்பில் நீதியரசர் குழாத்தின் தலைவராக செயற்படும் சம்பா ஜானகி ராஜரத்ன வினவியமைக்கே இவ்வாறு பதிலளிக்கப்பட்டுள்ளது.
வழக்கின் பத்தாவது பிரதிவாதியான சிங்கப்பூரில் வசிக்கும் பேர்ப்பச்சுவல் ட்ரெசரீஸ் நிறுவனத்தின் முன்னாள் பணிப்பாளரான அஜான் புஞ்சிஹேவா, தற்சமயம் மலேசியாவுக்குச் சென்றுள்ளதால் அவரின்றி வழக்கை தொடர்ந்தும் முன்கொண்டு செல்வதற்குத் தேவையான நடவடிக்கைகளை எடுக்குமாறு பிரியந்த நாவான நீதிமன்றத்துக்கு அறிவித்தார்.
2015 பெப்ரவரி 27ஆம் திகதி இடம்பெற்ற மத்திய வங்கி பிணைமுறிகள் ஏலத்தில், அரசுக்குச் சொந்தமான 68 கோடி 80 இலட்சத்துக்கும் அதிக நிதியை முறையற்ற விதத்தில் பயன்படுத்தி நம்பிக்கையைச் சீர்குலைத்த குற்றச்சாட்டில் மத்திய வங்கியின் முன்னாள் ஆளுநர் அர்ஜுன மகேந்திரன், மத்திய வங்கியின் முன்னாள் பிரதி ஆளுநர் பத்தினிகே சமரசிறி உள்ளிட்ட 10 பிரதிவாதிகளுக்கு எதிராக சட்டமா அதிபரினால் வழக்குத் தொடரப்பட்டுள்ளது.
சம்பா ஜானதி ராஜரத்ன மற்றும் நாமல் பலல்லே உள்ளிட்ட நீதிபதிகள் குழாம் முன்னிலையில் இன்று வழக்கு விசாரணைக்கு எடுத்துக்கொள்ளப்பட்டது.
வழக்கு தொடர்பில் சட்டமா அதிபர் எடுக்கவுள்ள அடுத்தகட்ட நடவடிக்கைகளை அறிக்கையிடுவதற்காக வழக்கை எதிர்வரும் செப்டெம்பர் மாதம் 22ம் திகதி வரை ஒத்திவைத்து நீதிபதிகள் குழாம் உத்தரவிட்டது.
இயக்கச்சியில் அமைந்துள்ள ReeCha organic Farm இல் ஒரு குறுகிய பொழுது பாரிய மாற்றத்தை தங்கள் வாழ்க்கையில் ஏற்படுத்த ஒவ்வொருவரையும் அன்போடு அழைக்கின்றோம்.
மக்களை விட்டுத் தூரச்சென்ற தியாகி திலீபன் 2 நாட்கள் முன்
உலகம் இதை படிக்க வேண்டிய நேரம் வந்தாச்சு! மன்னர் சார்லஸுக்கு ரகசியமாக பிறந்த மகன் என கூறும் நபர் வெளியிட்ட முக்கிய கடிதம் News Lankasri
15 பேரை ஏமாற்றி திருமணம் செய்த கல்யாண ராணி! மனைவியை இழந்தவர்கள் தான் குறி.. எச்சரிக்கை செய்தி News Lankasri
திருமணத்திற்கு பின் ரவீந்தர், மஹாலக்ஷ்மி எடுத்த அதிர்ச்சி முடிவு.. தவறாக பேசும் ரசிகர்கள் Cineulagam
தொகுப்பாளினி டிடியின் முன்னாள் கணவரா இது! விவாகரத்துக்கு பிறகு மீசை, தாடினு எப்படி ஆளே மாறிட்டார் பாருங்க Manithan
ஹரியும், மேகனும் அரச குடும்பத்தை விட்டு வெளியேற்றப்படுவதாக கவலை.., மதிப்பு இவ்வளவு தான்: நிபுணர்கள் கருத்து News Lankasri
ராணிக்கு அஞ்சலி செலுத்தப்பட்ட கோடிக்கணக்கான மலர்கள்; வீணடிக்கப்படாமல் பயன்படுத்த தொடங்கிய நடவடிக்கை News Lankasri
தெல்லிப்பழை, கொழும்பு, Dubai, United Arab Emirates, Scarborough, Canada
25 Sep, 2022
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
