இலங்கையை உலுக்கிய நீர்கொழும்பு சிறை மோதல் விவகாரம் : 2 மணி நேரம் சாட்சியம் அளித்த சிறை அதிகாரி

Negombo Department of Prisons Sri Lanka Crime Prisons in Sri Lanka

By Rukshy Jul 31, 2026 07:35 AM GMT

Rukshy

in குற்றம்

Report

நீர்கொழும்பு சிறைச்சாலையின் பிரதம சிறை அதிகாரி விக்கிரம ஜயந்த குமார, நேற்று (30) நீர்கொழும்பு நீதவான் நீதிமன்றத்தில் முன்னிலையாகி, 10 அதிகாரிகள் மற்றும் 22 கைதிகள் கொல்லப்பட்ட கொடூரமான சிறை மோதல் தொடர்பாக இரண்டு மணி நேரம் சாட்சியம் அளித்துள்ளார்.

நீதிபதி ஷிலானி பெரேரா முன்னிலையில், பிற்பகல் 1.00 மணி தொடங்கி 3.00 மணி வரை சாட்சியம் பதிவு செய்யப்பட்டுள்ளது.

தற்போது சிகிச்சை பெற்றுவரும் நபர்கள்

விசாரணையைத் தொடர்ந்து, அந்த ஆதாரங்களில் தேசியப் பாதுகாப்புக்கு மிகவும் முக்கியமான தகவல்கள் அடங்கியுள்ளதாக நீதிபதி தீர்ப்பளித்துள்ளார்.

இலங்கையை உலுக்கிய நீர்கொழும்பு சிறை மோதல் விவகாரம் : 2 மணி நேரம் சாட்சியம் அளித்த சிறை அதிகாரி | Negombo Prison Clash Case Chief Jailor Testifies

அந்த சாட்சியத்தை எந்த ஊடகத்திலும் வெளியிடக் கூடாது என்றும் தேசியப் பாதுகாப்பிற்கு கடுமையான அச்சுறுத்தல்களைத் தவிர்ப்பதற்காக அதனைப் பாதுகாப்பாக வைத்திருக்க வேண்டும் என்றும் உத்தரவிட்டுள்ளார்.

விசாரணையின் போது, சம்பவம் நடந்த சமயத்தில் வெலிக்கடையிலிருந்து நீர்கொழும்பு சிறைக்குப் பணியமர்த்தப்பட்டிருந்த 89 சிறைக் காவல் அதிகாரிகள் தொடர்பான விரிவான அறிக்கை நீதிமன்றத்தில் சமர்ப்பிக்கப்பட்டது.

கொழும்பு தேசிய மருத்துவமனை மற்றும் நீர்கொழும்பு மருத்துவமனையில் தற்போது சிகிச்சை பெற்றுவரும் நபர்கள் குறித்த அறிக்கைகளையும் சிறை அதிகாரிகள் சமர்ப்பித்துள்ளனர்.