ஜனாதிபதிக்கு அமைச்சர் ஹாபிஸ் நஸீர் அஹமட் வாழ்த்து

Presidential Secretariat of Sri Lanka Ranil Wickremesinghe Sri Lanka Government

By Navoj Jul 21, 2022 08:30 AM GMT

Navoj

in அரசியல்

Report

மக்களால் தெரிவுசெய்யப்பட்ட நாடாளுமன்ற உறுப்பினர்களின் ஆதரவைப் பெற்று புதிய ஜனாதிபதி தெரிவாகியிருப்பது, தாய்நாட்டின் கீர்த்தியை சர்வதேசத்தில் உயர்த்தியிருப்பதாக சுற்றாடல்துறை அமைச்சர் ஹாபிஸ் நஸீர் அஹமட் வாழ்த்து தெரிவித்துள்ளார்.

நாட்டின், எட்டாவது நிறைவேற்று அதிகார ஜனாதிபதியாக ரணில் விக்ரமசிங்க தெரிவு செய்யப்பட்டமைக்கான தனது வாழ்த்து செய்தியிலே அவர் இதனை தெரிவித்துள்ளார்.

“தேவையான நேரத்தில் தகுதியான ஒருவர் ஜனாதிபதியாக தெரிவாகியுள்ளார். மக்கள் பிரதிநிதிகளில் அறுபது வீதமானோர் புதிய ஜனாதிபதியை ஆதரித்துள்ளனர்.

ஜனாதிபதிக்கு அமைச்சர் ஹாபிஸ் நஸீர் அஹமட் வாழ்த்து | Minister Habis Congratulates The New President

பொருளாதார மேம்பாடு

பல இனங்களையும் பெரும்பாலான கட்சிகளையும் பிரதிநிதித்துவப்படுத்தும் உறுப்பினர்களின் ஆதரவும் அவருக்கு கிடைத்துள்ளது. எனவே ஐக்கிய இலங்கையை கட்டியெழுப்ப வழங்கப்பட்ட சந்தர்ப்பமாகவே இதை நான் பார்க்கிறேன்.

படுகுழிக்குச் சென்றுள்ள நாட்டின் பொருளாதாரத்தை தூக்கி நிமிர்த்த சர்வதேசத்தின் உதவிகளே தேவைப்படுகிறது. இந்த நேரத்தில் ரணிலை ஜனாதிபதியாக நாடாளுமன்றம் தெரிந்திருப்பது, சிறந்த தீர்க்கதரிசினமிக்க செயலாகும்.

ஜனாதிபதிக்கு அமைச்சர் ஹாபிஸ் நஸீர் அஹமட் வாழ்த்து | Minister Habis Congratulates The New President

சர்வதேச உதவிகள்

சர்வதேசத்தில், புதிய ஜனாதிபதிக்குள்ள கீர்த்தியாலும், ஜனநாயகத்தில் ரணில் வைத்துள்ள நம்பிக்கையாலும் இந்த உதவிகளைப் பெறமுடியும். இனவாதிகள் மற்றும் அடக்கு முறையாளர்களின் முகாம்களுக்குள் சிறுபான்மை கட்சிகள் முடங்கியதன் நோக்கம் எங்களுக்குத் தெரியாத விடயமுமில்லை.

இந்தக் கூட்டத்தை தோற்கடித்து, அதிகாரத்துக்கு அலைவோருக்கு தக்க பாடம் புகட்டியுள்ளோம். மக்களின் பட்டினியைப் போக்குவது பற்றிச் சிந்திக்காமல், பழிவாங்கும் மனநிலையில் உள்ள தலைவர்களை மக்கள் அடையாளம் காண வேண்டும்.” என நாடாளுமன்ற உறுப்பினர் ஹாபிஸ் நஸீர் அஹமட் தெரிவித்துள்ளார்.

கோட்டாபயவுக்கு ஏற்பட்ட பரிதாபமும் ரணிலுக்கு அடித்த அதிஷ்டமும்! இலங்கையில் திசை மாறிய காற்று

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை