லங்காசிறி FM
அனைவரின் கவனத்திற்கும்... சில முன்னணி வங்கிகளிடமிருந்து வெளியான மிக முக்கிய எச்சரிக்கை!
நாட்டில் நிலவி வரும் அசாதாரண சூழ்நிலையை முன்னிட்டு, சில முன்னணி வங்கிகள் தங்களின் கிளை சேவை நேரங்களில் தற்காலிக மாற்றங்களை அறிவித்துள்ளன.
Commercial Bank of Ceylon வெளியிட்டுள்ள அறிவிப்பின்படி,
வங்கி சேவை
2026 மார்ச் 18 முதல் மறு அறிவிப்பு வரும் வரை ஒவ்வொரு புதன்கிழமையும் வங்கியின் கிளைகள் குறைந்த நேரத்தில் மட்டுமே திறந்திருக்கும்.
அதன்படி, மினிகொம் கிளைகள் மற்றும் சூப்பர் மார்க்கெட் கிளைகள் காலை 9.30 மணி முதல் பிற்பகல் 3.00 மணி வரை செயல்படும்.
மற்றைய கிளைகள் காலை 9.00 மணி முதல் பிற்பகல் 1.00 மணி வரை மட்டுமே வங்கி சேவைகளை வழங்கும் என தெரிவிக்கப்பட்டுள்ளது.
24 மணி நேர சேவை
இதேபோல், Seylan Bank வெளியிட்டுள்ள அறிவிப்பில்,
2026 மார்ச் 18 முதல் மறு அறிவிப்பு வரும் வரை ஒவ்வொரு புதன்கிழமையும் அனைத்து சேலான் வங்கி கிளைகளும் காலை 9.00 மணி முதல் மதியம் 1.00 மணி வரை மட்டுமே செயல்படும் என குறிப்பிடப்பட்டுள்ளது.
வாடிக்கையாளர்கள் தங்களின் வங்கித் தேவைகளுக்காக 24 மணி நேர ஸ்மார்ட் பேங்கிங் சேவைகளை பயன்படுத்துமாறும் வங்கி கேட்டுக்கொண்டுள்ளது.
நேரத்திலும் மாற்றம்
மேலும், DFCC Bank தனது கிளைகளின் சேவை நேரத்திலும் மாற்றம் அறிவித்துள்ளது.
அதன்படி, ஒவ்வொரு புதன்கிழமையும் காலை 9.00 மணி முதல் மதியம் 1.00 மணி வரை மட்டுமே கிளைகள் திறந்திருக்கும் என தெரிவிக்கப்பட்டுள்ளது.
வாடிக்கையாளர்கள் DFCC ONE மொபைல் செயலி அல்லது இணைய வங்கி சேவைகள் மூலம் எப்போது வேண்டுமானாலும் தங்களின் வங்கிப் பணிகளை மேற்கொள்ளலாம் எனவும் வங்கி அறிவுறுத்தியுள்ளது.
மேலும் ஏதேனும் உதவி தேவைப்பட்டால், எங்கள் 24 மணி நேர தொடர்பு மையத்தை 011 235 00 00 என்ற எண்ணில் தொடர்பு கொள்ளவும்.
மேலதிக தகவல்களுக்கு, எங்கள் இணையதளமான WWW.DFCC.LK-ஐயும் பார்வையிடலாம் என குறிப்பிட்டுள்ளது.
மறு அறிவித்தல்
NDB வங்கி வெளியிட்ட அறிவிப்பில், 18.03.2026 ஆம் திகதி முதல் மறு அறிவித்தல் வரை,
எமது சகல கிளைகளினது அலுவலக நேரம் ஒவ்வொரு புதன் கிழமையும் காலை 9.00 மணி முதல் மதியம் 1.00 மணி வரை மட்டுப்படுத்தப்படும் என்பதனை தெரிவித்துக்கொள்கின்றோம் என அறிவுறுத்தப்பட்டுள்ளது.
இந்த மாற்றங்களால் ஏற்படும் அசௌகரியங்களுக்கு வங்கிகள் வருத்தம் தெரிவித்துள்ளதுடன், வாடிக்கையாளர்களின் புரிதலும் ஒத்துழைப்பும் எதிர்பார்க்கப்படுவதாகவும் குறிப்பிடப்பட்டுள்ளது.
துளசி மோசமான செயல்.. கதறி துடித்த ஆனந்தி! குழந்தை என்னவாகும்? சிங்கப்பெண்ணே இந்த வார ப்ரோமோ Cineulagam
கருப்பு திரைப்படத்தின் 3 நாட்கள் வசூல் விவரம்.. அதிகாரப்பூர்வமாக அறிவித்த தயாரிப்பு நிறுவனம் Cineulagam
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
