ஷிரந்தி ராஜபக்ச தொடர்பான முக்கிய அறிக்கை கையளிக்கப்பட்டது: வெளிவரப்போகும் தகவல்கள்..!

Shiranthi Rajapaksa Department of Prisons Sri Lanka Prisons in Sri Lanka Prison

By Amal Oct 15, 2026 01:48 PM GMT

Amal

in அரசியல்

Report

விளக்கமறியலில் வைக்கப்பட்டுள்ள நிலையில் கொழும்பு தேசிய வைத்தியசாலையில் சிகிச்சை பெற்று வரும் முன்னாள் முதல் பெண்மணி ஷிரந்தி ராஜபக்சவின் உடல்நிலை குறித்த மருத்துவப் பேரவை அறிக்கை, வைத்தியசாலையின் பணிப்பாளரிடம் உத்தியோகபூர்வமாக கையளிக்கப்பட்டுள்ளதாக அறிவிக்கப்பட்டுள்ளது.

தேசிய வைத்தியசாலையின் பணிப்பாளர் வைத்தியர் சம்பத் இந்திக குமார இதனை உறுதிப்படுத்தியுள்ளதாக எமது செய்தியாளர் தெரிவித்தார்.

அத்துடன், குறித்த அறிக்கை சிறைச்சாலைகள் ஆணையாளர் ஊடாக நீதிமன்றத்திற்கு அனுப்பி வைக்கப்படும் என்றும் அவர் தெரிவித்தார்.

மருத்துவப் பேரவை நியமனம்

முன்னதாக, ஷிரந்தி ராஜபக்சவின் உடல்நிலையை பரிசீலிப்பதற்காக 14 மருத்துவர்களைக் கொண்ட மருத்துவப் பேரவையொன்று நியமிக்கப்பட்டிருந்தது.

ஷிரந்தி ராஜபக்ச தொடர்பான முக்கிய அறிக்கை கையளிக்கப்பட்டது: வெளிவரப்போகும் தகவல்கள்..! | Medical Report On Shiranthi S Health Condition

அரச நிதியான 10 மில்லியன் ரூபாயை முறைகேடாகப் பயன்படுத்தியதாக தொடரப்பட்ட வழக்கின் பிரகாரம், கொழும்பு பிரதான நீதவான் நீதிமன்றத்தில் நாளை (16.10.2026) இந்த வழக்கு விசாரணைக்கு வரவுள்ள நிலையிலேயே இந்த மருத்துவ அறிக்கை சமர்ப்பிக்கப்பட்டுள்ளது.

ஏற்கனவே இதய நோய் நிலைமை காரணமாக ஷிராந்தி ராஜபக்சவினால் திறந்த நீதிமன்றத்தில் முன்னிலையாக முடியாது என கடந்த வாரம் அவரது சட்டத்தரணிகள் நீதிமன்றத்திற்கு அறிவித்திருந்தமை குறிப்பிடத்தக்கது.

மேலும் நாளைய தினம் குறித்த அறிக்கை தொடர்பான முக்கிய தகவல்கள் வெளியாகும் என எதிர்பார்க்கப்படுகின்றது.