பிக்குகளை திசைதிருப்பும் முக்கிய அரசியல் கட்சி.. எச்சரிக்கும் தேரர்

நாம் தற்போது ஒரு கொந்தளிப்பான குழப்பமான சூழ்நிலைக்குள் இருக்கிறோம், எனவே பிக்குக்கள் அவசரப்பட்டு எந்த முடிவும் எடுக்கக் கூடாது என மாவறல பத்திய தேரர் தெரிவித்துள்ளார். 

யூடியூப் தளம் ஒன்றிற்கு அவர் வழங்கியுள்ள நேர்காணல் ஒன்றிலேயே அவர் குறிப்பிட்டுள்ளார். 

இதன்போது அவர் மேலும் குறிப்பிடுகையில், "நமது காவி உடை என்பது யாரோ ஒருவரின் அரசியல் நிகழ்ச்சி நிரலுக்கான வெறும் துணியாக சுருக்கப்பட்டுவிடக் கூடாது. மற்றவர்களின் சுயநல நோக்கங்களுக்காக நாம் பயன்படுத்தப்படுவதை உடனடியாக நிறுத்த வேண்டும்.

நாம் நடுநிலையாக நின்று உண்மையை உண்மையபடியே பேச வேண்டும். அரசியலைப் பற்றி ஏதும் தெரியாமலே நான் இந்த களத்தில் இறங்கினேன், அதன் விளைவாக நானும் கடுமையாக சுரண்டப்பட்டேன். ஒரு பிக்கு தனது வாழ்நாளே இதனால் பாழாகிவிட்டதாக என்னிடம் வேதனையுடன் ஒப்புக்கொண்டார்.

அரசியல் ஆதாயம் 

இலங்கையில் ஒரு அபாயகரமான காலத்தில், பிக்குகள் பொலிஸாரைப் போல நிறுவனங்களுக்குள் புகுந்து விசாரணை நடத்தும் நிலை இருந்தது;

அதைப் பார்க்கும்போது எனக்கு அருவருப்பாக இருக்கிறது. மற்றவர்களின் அச்சு வார்ப்புகளுக்குள் என்னைப் பொருத்திக்கொள்ள நான் ஒருபோதும் விரும்பவில்லை.

நான் இப்போது தர்மத்தைப் போதிக்கும் ஒரு துறவி. இந்தப் பொறுப்பை ஏற்றதில் இருந்தே எனது முதன்மையான கொள்கை தெளிவாக உள்ளது: ஒரு குறிப்பிட்ட அரசியல் கட்சியின் சார்பாக என்னால் தர்மத்தைப் போதிக்க முடியாது.

இன்றைய சூழலில் வீரர் என்று அழைக்கப்படுவது என்பது தற்காலிகமாக அடித்துச் செல்லப்படும் அலையைப் பின்பற்றுவது மட்டுமே. அலையில் பயணிக்கும் வரை நீங்கள் வீரராகப் பார்க்கப்படுவீர்கள், ஆனால் காற்று வீசும் திசை மாறும்போது அதே நபர் துரோகி என்று முத்திரையிடப்படுவார்.

அனைத்து அரசியல் கட்சிகளுக்கும் நமது இந்தக் காவி உடை என்பது அவர்களின் அரசியல் மேடைகளை அலங்கரிக்கும் வெறும் கொடி மட்டுமே. இதை நாம் உணர வேண்டும்.

ஒருவர் கோவிலா அல்லது நாடா என்பதைத் தேர்ந்தெடுக்க வேண்டும், இரண்டையும் ஒரே நேரத்தில் வைத்திருக்க முடியாது. நான் நாட்டைத் தேர்ந்தெடுத்தேன்” என தெரிவித்துள்ளார். 

இலங்கை ரூபாவின் பெறுமதியில் ஏற்பட்டுள்ள மாற்றம்! மத்திய வங்கியின் அறிவிப்பு

பிக்குகளின் சூனியத்தால் அநுரவுக்கு ஏற்பட்டுள்ள ஆபத்து - சதிக்காரர்களின் மற்றுமொரு சூழ்ச்சி அம்பலம்