லங்காசிறி FM
அத்தியாவசிய மருந்துப் பொருட்கள் பாரியளவில் பற்றாக்குறை
இலங்கையில் பயன்படுத்தும் அத்தியாவசிய மருந்துப் பொருட்களில் 33 வகையான மருந்துப் பொருட்கள் பற்றாக்குறையாக இருப்பதாக சுகாதார அமைச்சர் நளிந்த ஜயதிஸ்ஸ தெரிவித்துள்ளார்.
இன்றைய(22.9.2026) நாடாளுமன்ற அமர்வில் ஐக்கிய மக்கள் சக்தியின் நாடாளுமன்ற உறுப்பினர் எஸ்.எம். மரிக்காரின் கேள்வியொன்றுக்குப் பதிலளிக்கும்போதே அவர் இதனைக் குறிப்பிட்டுள்ளார்.
தொடர்ந்தும் கருத்து வெளியிட்ட அவர், இலங்கையில் 618 வகையான அத்தியாவசிய மருந்துப் பொருட்கள் பயன்படுத்தப்படுகின்றது. அவற்றில் 33 மருந்துப் பொருட்களுக்கு பாரிய தட்டுப்பாடு நிலவுகின்றது.
பற்றாக்குறை
ஆனாலும் உயிர்காக்கும் 13 மருந்துப் பொருட்களுக்கும் எதுவித தட்டுப்பாடும் இன்றி போதுமான கையிருப்பு உள்ளது.
மருத்துவமனைகளில் அன்றாட சிகிச்சை நடவடிக்கைகளை எதுவித தடங்கல்களும் இன்றி முன்னெடுத்துச் செல்வதற்காக 886 மருந்துகளை உள்ளடக்கிய முன்னுரிமைப் பட்டியல் ஒன்றை சுகாதார அமைச்சு அறிமுகப்படுத்தியுள்ளது.
அத்தியாவசிய மருந்துப் பொருட்களாக வகைப்படுத்தப்பட்டுள்ள 618 மருந்துப் பொருட்களில் 585 மருந்துப் பொருட்கள் மருத்துவமனைகள் மற்றும் சுகாதார நிறுவனங்களில் போதுமான அளவில் கையிருப்பில் உள்ளது.
துரித நடவடிக்கை
பற்றாக்குறையாக உள்ள அத்தியாவசிய மருந்துப் பொருட்களை உள்நாட்டு விநியோகஸ்தர்களிடம் இருந்து கொள்வனவு செய்வதற்கும் நடவடிக்கை மேற்கொள்ளப்பட்டுள்ளது என்றும் அமைச்சர் நளிந்த ஜயதிஸ்ஸ தொடர்ந்தும் தெரிவித்துள்ளார்.
அத்துடன் மருந்துப் பற்றாக்குறை தொடர்பில் அரசாங்கம் துரித நடவடிக்கைகளை மேற்கொள்ள எதிர்பார்த்துள்ளதாகவும் அவர் குறிப்பிட்டுள்ளார்.
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
