புத்தளத்தில் பாரிய தீ விபத்து: பல ஏக்கர் நிலப்பரப்பு தீக்கிரை(Photos)

Puttalam Sri Lanka Police Investigation North Western Province Fire

By Asar Jul 19, 2023 07:39 AM GMT

Asar

in விபத்து

Report

சிலாபம் பெருந்தோட்டம் நிறுவனத்திற்குச் சொந்தமான புத்தளம் தம்பபண்ணி பகுதியில் ஏற்பட்ட தீயினால் சுமார் 25ற்கும் அதிகமான ஏக்கர் நிலப்பரப்பு தீக்கிரையாகியுள்ளது.

இந்த சம்பவமானது நேற்று(18.07.2023) இரவு இடம்பெற்றுள்ளது.

இதனையடுத்து அங்கிருந்தவர்களினால் உடனடியாக புத்தளத்திலுள்ள அனர்த்த முகாமைத்துவ மத்திய நிலையத்தினருக்குத் தகவலை வழங்கியுள்ளனர்.

தீயணைப்பு பணி

புத்தளத்தில் பாரிய தீ விபத்து: பல ஏக்கர் நிலப்பரப்பு தீக்கிரை(Photos) | Massive Fire Damage Thambapanni Area Puttalam

இதன்போது புத்தளம் மாவட்ட அனர்த்த முகாமைத்துவ மத்திய நிலையத்தின் பணிப்புரைக்கமைய புத்தளம் நகரசபை தீயனைப்புப் படையினர், தப்போவ இராணுவத்தினர் மற்றும் தோட்டத்தில் பணிபுரியும் ஊழியர்கள் இனணந்து தீயினைக் கட்டுப்பாட்டுக்குள் கொண்டு வந்துள்ளனர்.

இதில் சுமார் 25 ஏக்கருக்கும் அதிகமான நிலப்பரப்பு தீக்கரையாகியுள்ள நிலையில் தென்னை மரங்கள், மரமுந்திரிகை மரங்கள் மற்றும் பயன்தரும் பல மரங்களும் தீக்கரையாகியதாக பொலிஸார் தெரிவித்துள்ளனர்.

குறித்த தீப்பரவியமைக்கான காரணம் இதுவரையிலும் கண்டரியப்படவில்லையென்றும் சம்பவம் தொடர்பில் விசாரணைகளை மேற்கொண்டு வருவதாக புத்தளம் பொலிஸார் கூறியுள்ளனர்.

நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW