முன்னாள் பிரதமர் மன்மோகன் சிங்கின் மறைவுக்கு ஜனாதிபதி அநுரகுமார இரங்கல்

இந்தியாவின் முன்னாள் பிரதமர் மன்மோகன் சிங்கின்(Manmohan Singh) மறைவுக்கு ஜனாதிபதி அநுரகுமார திசாநாயக்க, தனது எக்ஸ் தளத்தில் இரங்கல் தெரிவித்துள்ளார்.

எனது சார்பிலும், இலங்கை மக்கள் சார்பிலும் இந்தியக் குடியரசுக்கும், மன்மோகன் சிங்கின் குடும்பத்தாருக்கும், தனது அனுதாபங்களை தெரிவித்துக் கொள்வதாக ஜனாதிபதி குறிப்பிட்டுள்ளார்.

அநுரவின் செயல்திட்டங்களை விமர்சித்துள்ள தமிழ் எம்பி

மன்மோகன் சிங் மறைவு

தொலைநோக்கு கொண்ட தலைவரான மன்மோகன் சிங்கின் வழிகாட்டல் இந்தியாவிற்குள் மாத்திரம் மட்டுப்படவில்லை.

2004 முதல் 2014 வரை இந்தியாவின் பிரதமராக அவர் செயல்படுத்திய கல்வி உரிமைச் சட்டம் மற்றும் மகாத்மா காந்தி தேசிய கிராமிய வேலைவாய்ப்பு செயல்திட்டம் போன்ற மாற்றத்துக்கான திட்டங்கள் என்பன சமத்துவம், தலையீடு தொடர்பிலான அவரது உறுதியான அர்ப்பணிப்பை பிரதிபலிக்கின்றன.

On behalf of the people of Sri Lanka and myself, I extend my heartfelt condolences to the Republic of India, Dr. Manmohan Singh's family, and his countless admirers worldwide. A visionary leader, Dr. Singh’s influence transcended national boundaries. As Prime Minister from 2004…

— Anura Kumara Dissanayake (@anuradisanayake) December 27, 2024

சர்வதேச ஒத்துழைப்புக்காக அர்ப்பணிப்புடன் செயலாற்றிய காலாநிதி மன்மோகன் சிங், நீண்டகால கூட்டுறவு கூட்டணிகளை ஆரம்பிப்பதற்கு ஒத்துழைப்பு வழங்கியதுடன் BRICS போன்ற அமைப்புகளுக்கு ஒத்துழைப்பு வழங்கியுள்ளார்.

மன்மோகன் சிங்கின் உடலுக்கு இறுதி அஞ்சலி செலுத்திய ரணில்

 ஜனாதிபதி இரங்கல்

இந்திய - அமெரிக்க அணுசக்தி ஒப்பந்தம் போன்ற ஒப்பந்தங்கள் மூலம் அவரது சிறந்த இராஜதந்திரம் வெளிப்படுத்தப்பட்டுள்ளது.

அவரது தன்னடக்கம், அறிவாற்றல் மற்றும் அரச சேவைக்கான அர்ப்பணிப்பு ஆகியன நிச்சயமாக எதிர்கால சந்ததியினருக்கு ஒரு நிலையான முன்மாதிரியாகவும் ஊக்குவிப்பாகவும் அமையும். அவரது ஆத்மா சாந்தி அடையட்டும்” என குறிப்பிட்டுள்ளார்.

இந்தியாவின் முன்னாள் பிரதமர் மன்மோகன் சிங் நேற்றையதினம்(26) தனது 92ஆவது வயதில் காலமானார் என்பது குறிப்பிடத்தக்கது.

எம்.ஏ. சுமந்திரன் அஞ்சலி 

முன்னாள் இந்தியப் பிரதமர் மன்மோகன் சிங்கின் (வயது 92) மறைவுக்கு எமது மனப்பூர்வமான அஞ்சலிகள் என இலங்கைத் தமிழரசுக் கட்சியின் முன்னாள் நாடாளுமன்ற உறுப்பினர் ஜனாதிபதி சட்டத்தரணி எம்.ஏ. சுமந்திரன் தெரிவித்துள்ளார்.

அவர் இந்தியாவின் பிரதமராக இருந்த காலத்தில் இலங்கைத் தமிழர் விவகாரத்தில் மிகவும் காத்திரமான பங்களிப்பைச் செய்திருந்தார்.

2011 இல் அப்போதைய இலங்கை ஜனாதிபதி மஹிந்த ராஜபக்ஷவுடனான கூட்டறிக்கையில் “13ஆம் திருத்தத்தை முழுமையாக நடைமுறைப்படுத்தி, அதிலிருந்து கட்டியெழுப்பி அர்த்தமுள்ள அதிகாரப் பகிர்வு முறை ஏற்படுத்தப்படும்” என்ற வாக்குறுதியைப் பெற்றவர் என்றும் குறிப்பிட்டுள்ளார். 

ஊழல் - மோசடிகளில் கொடி கட்டிப்பறந்த கடந்தகால அரசாங்கங்கள் : சிறிநேசன் பகிரங்கம்