யாழில் சட்டவிரோதமாக மதுபானத்தை விற்பனை செய்தவர் கைது!

Sri Lanka Police Sri Lanka Police Investigation Crime Arrest

By Kajinthan Mar 03, 2026 08:46 AM GMT

Kajinthan

in குற்றம்

Report

சுன்னாகம் பொலிஸ் பிரிவிற்குட்பட்ட தாவடி காளி கோவில் பகுதிக்கு அண்மித்த இடத்தில் சட்டவிரோதமாக மதுபானம் விற்பனை செய்த நபர் ஒருவர் கைது செய்யப்பட்டுள்ளார்.

இந்த கைது நடவடிக்கை நேற்று (02.03.2026) முன்னெடுக்கப்பட்டுள்ளது.

பொலிஸார் விசாரணை

இதன்போது 23 சாராயப் போத்தல்கள் மீட்கப்பட்டுள்ளன.

மேலதிக விசாரணைகளின் பின்னர், குறித்த நபரை மல்லாகம் நீதிவான் நீதிமன்றம் நீதிமன்றத்தில் முற்படுத்துவதற்கான நடவடிக்கைகளை பொலிஸார் மேற்கொண்டு வருகின்றனர்.

யாழில் சட்டவிரோதமாக மதுபானத்தை விற்பனை செய்தவர் கைது! | Man Arrested Illegally Selling Liquor In Jaffna

இதேவேளை, நேற்று (02) சுன்னாகம் பொலிஸ் பிரிவிற்குட்பட்ட வெவ்வேறு பகுதிகளில் மாவா மற்றும் ஐஸ் உள்ளிட்ட போதைப்பொருட்களை விற்பனை செய்த மூவர் சுன்னாகம் பொலிஸ் நிலையம் பொலிஸாரால் கைது செய்யப்பட்டு, இன்று (03) நீதிமன்றத்தில் முற்படுத்தப்பட்டுள்ளனர்.

இந்நிலையில், அவர்களை விளக்கமறியலில் வைக்குமாறு நீதிவான் உத்தரவிட்டுள்ளார்.

மேற்குறித்த கைது நடவடிக்கைகள் அனைத்தும் சுன்னாகம் பொலிஸ் நிலையம் பொறுப்பதிகாரியின் தலைமையில் இடம்பெற்றதாக தெரிவிக்கப்பட்டுள்ளது.

இதேவேளை, யாழ் வடமராட்சி கிழக்கு மருதங்கேணியில் விடுமுறை தினமான நேற்று (02.03.2026) சட்டவிரோதமாக மதுபானம் விற்ற ஒருவர் மருதங்கேணி பொலிசாரால் கைது செய்யப்பட்டுள்ளார்.

போத்தல்களுடன் ஒருவர் கைது

விடுமுறை தினத்தில் மதுபானம் விற்க அனுமதி இல்லாத போதும் மருதங்கேணி பகுதியில் அமைந்துள்ள மதுபானசாலையில் மிகவும் இரகசியமான முறையில் சட்டவிரோதமாக மதுபான விற்பனை இடம்பெற்றுள்ளது.

யாழில் சட்டவிரோதமாக மதுபானத்தை விற்பனை செய்தவர் கைது! | Man Arrested Illegally Selling Liquor In Jaffna

இந்நிலையில், மருதங்கேணி பொலிசாருக்கு கிடைத்த இரகசிய தகவலின் அடிப்படையில் பொலிஸ் பொறுப்பதிகாரி கெலும் பண்டார தலைமையிலான குழுவினர் சட்டவிரோதமாக மதுபானம் விற்ற ஒருவரை மதுபான போத்தலுகளுடன் கைது செய்யப்பட்டுள்ளதாக பொலிஸார் தெரிவித்துள்ளனர்.

மேலதிக தகவல் - எரிமலை

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை