லங்காசிறி FM
அடுத்த மாதத்திற்குள் அரசாங்கம் மேற்கொள்ள வேண்டிய கட்டண திருத்தம் - வெளியாகியுள்ள தகவல்
சர்வதேச நாணய நிதியத்திடம் அனுமதி பெறுவதற்கு முன்னர், 25 பில்லியன் ரூபாய் இழப்பை ஈடுசெய்யும் வகையில் அரசாங்கம் மின்சார கட்டணங்களை திருத்த வேண்டும் என்று திறைசேரியின் அதிகாரி ஒருவர் தெரிவித்துள்ளார்.
சர்வதேச நாணய நிதியத்தின் அடுத்த மதிப்பாய்வு ஜூலை மாதம் நடைபெற உள்ளது.
ஆனால், அரசாங்கத்தின் பொருளாதாரத் திட்டங்கள் அடுத்த மாதத்திற்குள் அனுப்பப்பட வேண்டும் என்று அவர் கூறியுள்ளார்.
இரண்டு நிபந்தனைகள்
சர்வதேச நாணய நிதியத்துடனான பணியாளர் நிலை ஒப்பந்தம் இரண்டு நிபந்தனைகளை அடிப்படையாகக் கொண்டது, அவற்றில் ஒன்று மின்சார செலவை மீட்டெடுப்பது மற்றும் மின்சார கட்டண பொறிமுறையின் சரியான செயல்பாட்டை உறுதி செய்வது என்பனவாகும்.
இந்தநிலையில், சர்வதேச நாணய நிதிய நிர்வாகக் குழுவின் நிபந்தனைகள் மற்றும் ஒப்புதலுக்குப் பிறகுதான், இலங்கை சுமார் 344 மில்லியன் டொலர் நிதியுதவியை பெற்றுக் கொள்ள முடியும்.
இதனை விடுத்து, திட்டங்களை சரியான நேரத்தில் சமர்ப்பிக்கத் தவறினால், சர்வதேச நாணய நிதியத்தின் திட்டத்தை செயல்படுத்துவதில் தாமதம் ஏற்படும் அத்துடன், பிற நாடுகளிலிருந்து கடன்களைப் பெறுவது போன்ற பல சிக்கல்களை ஏற்படுத்தக்கூடும் என்று திறைசேரியின் அதிகாரி தெரிவித்துள்ளார்.
அதேநேரம் பிற பொருளாதார நிறுவனங்களின் மதிப்பீடுகள் குறையக்கூடும், மேலும் இது நாட்டிற்குள் வரும் முதலீடுகளில் தாக்கத்தை ஏற்படுத்தும் என்றும் அவர் சுட்டிக்காட்டியுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
வட்டுக்கோட்டை, கொழும்பு, Sabah, Malaysia, Kuala Belait, Brunei, மெல்போன், Australia
26 Apr, 2026
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024