லங்காசிறி FM
கட்டுநாயக்க விமான நிலையத்திலிருந்து சென்ற விமானத்தில் ஏற்பட்ட ஆபத்து - நள்ளிரவில் அனர்த்தம்
கட்டுநாயக்க விமான நிலையத்தில் இருந்து அவுஸ்திரேலியாவின் சிட்னி நோக்கிப் புறப்பட்ட விமானத்தின் முதலாவது எஞ்சின் மீது மின்னல் தாக்கியமையினால் ஆபத்து ஏற்பட்டது.
எனினும் விமானம் பாதுகாப்பாக தரையிறக்கப்பட்டுள்ளதாக சிவில் விமானப் போக்குவரத்து அதிகார சபை தெரிவித்துள்ளது.
கொழும்பிலிருந்து சிட்னி நோக்கிப் பயணித்த ஸ்ரீலங்கன் எயார்லைன்ஸ் நிறுவனத்திற்குச் சொந்தமான UL606 விமானம், வெள்ளிக்கிழமை புறப்பட்ட சிறிது நேரத்திலேயே மீண்டும் கொழும்பு திரும்பியது.
மின்னல் தாக்கம்
மின்னல் தாக்குதலுக்குள்ளானதாகத் தெரிவிக்கப்பட்டதை அடுத்து, மீண்டும் கட்டுநாயக்க விமான நிலையத்திற்கு விமானம் திரும்பியுள்ளது.
விமானப் பயணத்தின் போது பலத்த சத்தம் கேட்டதாகவும், அதனைத் தொடர்ந்து விமானத்தின் எஞ்சின்களில் ஒன்றிலிருந்து தீப்பிழம்புகள் வெளியேறியதைக் காண முடிந்துள்ளது.
எனினும், சிறிது நேரத்திலேயே நிலைமை வழமைக்குத் திரும்பியதோடு, விமானம் மின்னல் தாக்குதலுக்குள்ளாகியுள்ளதாக பயணிகளுக்கு அறிவிக்கப்பட்டுள்ளது.
விமானத்தின் எஞ்சின்களில் ஒன்று சிறியளவில் சேதமடைந்துள்ளதாக விமானப் பணியாளர்கள் தெரிவித்துள்ளனர்.
அத்துடன், முன்னெச்சரிக்கை நடவடிக்கையாக சிட்னி நோக்கிய பயணத்தைத் தொடர முடியாது என்றும் அவர்கள் குறிப்பிட்டுள்ளனர்.
விமானப் பணியாளர்களுக்குப் பாராட்டு
இதனைத் தொடர்ந்து, அந்த விமானம் மீண்டும் கொழும்புக்குத் திரும்பி, எந்தவித அசம்பாவிதங்களும் இன்றி பாதுகாப்பாகத் தரையிறங்கியது.
இந்த இக்கட்டான சூழ்நிலையை மிகவும் தொழில்முறை ரீதியாகவும், அமைதியாகவும் கையாண்டு, விமானத்தில் இருந்த அனைவரினதும் பாதுகாப்பை உறுதிசெய்த ஸ்ரீலங்கன் எயார்லைன்ஸ் விமானப் பணியாளர்களுக்குப் பாராட்டுகளை பெற்றுள்ளது.
மேலும் பயணிகள் அல்லது பணியாளர்கள் எவருக்கும் காயங்கள் ஏற்பட்டதாகப் பதிவாகவில்லை.
அதிகாலை 2.05 மணி நிலவரப்படி, பயணிகள் விமான நிலையத்திலுள்ள விமானத்திற்குள்ளேயே தங்கியிருந்ததோடு, அவர்களுக்கான அடுத்தகட்ட ஏற்பாடுகள் செய்யப்படும் வரை உணவு மற்றும் சிற்றுண்டிகள் வழங்கப்பட்டன.
இன முரண்பாட்டின் உச்சமே தமிழ் சிங்கள கிறிஸ்தவ திருச்சபைகளின் பிளவு 18 மணி நேரம் முன்
தன்னிடம் எக்கச்சக்கமான நகை இருப்பதாக சமூக ஊடகங்களில் பெருமையடித்துக்கொண்ட பெண்: நிகழ்ந்த துயரம் News Lankasri
பாரதிராஜாவுடன் கடைசி சந்திப்பு: நெகிழ்ச்சியுடன் நினைவுகூர்ந்த சினேகன் - கன்னிகா - வைரல் காணொளி Manithan
இன்று இரவு., கார்க் தீவு, எண்ணெய் வளங்களை கைப்பற்றுவோம்- ஈரானுக்கு ட்ரம்ப் எச்சரிக்கை News Lankasri
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
