லங்காசிறி FM
ஹரக் கட்டாவுக்காக முன்னிலையான பெண் தொடர்பில் பொலிஸார் வெளியிட்ட தகவல்
கணேமுல்ல சஞ்சீவ கொலைக்கு உதவியதற்காக கைது செய்யப்பட்ட பெண் வழக்கறிஞர், பல குற்றவாளிகளின் சட்ட நடவடிக்கைகளில் முன்னிலையானதாக பொலிஸார் தெரிவித்துள்ளனர்.
ஹரக் கட்டா என்றும் அழைக்கப்படும் நதுன் சிந்தக, மடகாஸ்கரில் கைது செய்யப்பட்ட போது, அவரது சட்ட நடவடிக்கைகளிலும் குறித்த சந்தேக நபரான வழக்கறிஞர் முன்னிலையானது தெரியவந்துள்ளது.
இந்தியாவில் எல்லை மீறல்களில் ஈடுபட்ட குற்றவாளியின் வழக்கிலும் அவர் ஆஜரானதாக தெரிவிக்கப்படுகிறது.
துப்பாக்கிச் சூடு
சந்தேக நபர் மற்ற குற்றவாளிகளின் வழக்கிலும் ஆஜரானாரா என்பதைக் கண்டறிய விசாரணைகள் நடந்து வருகின்றன.
கடவத்தை பகுதியில் நேற்று முன்தினம் கைது செய்யப்பட்ட வழக்கறிஞர் தாமரா 72 மணி நேர தடுப்புக்காவல் உத்தரவின் கீழ் விசாரிக்கப்படுகிறார்.
கணேமுல்ல சஞ்சீவவை கொலை செய்ய துப்பாக்கிச் சூடு நடத்தியவருக்கு நீதிமன்ற வளாகத்திற்குள் நுழைய வழக்கறிஞர்கள் அணியும் இரண்டு டைகளை வழங்கியதற்காகவும், குற்றவியல் நடைமுறைச் சட்டம் மற்றும் பிற சட்டங்கள் அடங்கிய இரண்டு புத்தகங்களை ரகசியமாக மறைக்க வழங்கியதற்காகவும், வழக்கறிஞரின் அடையாள அட்டையை வழங்கியதற்காக பல குற்றச்சாட்டுகளில் குறித்த வழக்கறிஞர் கைது செய்யப்பட்டமை குறிப்பிடத்தக்கது.
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
