அரசாங்கத்தின் அதிரடி நடவடிக்கை! சக்திவாய்ந்த சுமார் 60 அரசியல்வாதிகள் பெரும் சிக்கலில்

முன்னாள் நாடாளுமன்ற உறுப்பினர்கள் மற்றும் அமைச்சர்கள் உட்பட சுமார் இருபது அரசியல்வாதிகளின் விசாரணை கோப்புகள், சமீபத்தில் பொலிஸின் சட்டவிரோத சொத்துக்கள் விசாரணை பிரிவால், இலஞ்சம் அல்லது ஊழல் குற்றச்சாட்டுகள் விசாரணை ஆணைக்குழுவிடம் ஒப்படைக்கப்பட்டுள்ளன.

பொலிஸின் சட்டவிரோத சொத்துக்கள் புலனாய்வுப்பிரிவால் நடத்தப்பட்ட விசாரணைகளின் போது வெளிப்படுத்தப்பட்ட அனைத்து தகவல்களும் இலஞ்ச ஊழல் ஆணைக்குழுவிடம் ஒப்படைக்கப்பட்டுள்ளதாக பொதுமக்கள் பாதுகாப்பு அமைச்சர் ஆனந்த விஜேபால உறுதிப்படுத்தியுள்ளார்.

இலஞ்சம் மற்றும் ஊழல் குற்றச்சாட்டுகளின் பேரில் நேரடி விசாரணை

இதற்கிடையில், இலஞ்சம் அல்லது ஊழல் குற்றச்சாட்டுகள் விசாரணை ஆணையம் (CIABOC), தற்போது 55 க்கும் மேற்பட்ட அரசியல்வாதிகளுக்கு எதிராக இலஞ்சம் மற்றும் ஊழல் குற்றச்சாட்டுகளின் பேரில் நேரடி விசாரணைகளை நடத்தி வருகின்றது.

நாடு முழுவதும் உள்ள பல்வேறு தரப்பினரைச் சேர்ந்த 500 க்கும் மேற்பட்ட தனிநபர்களின் சொத்துக்கள் குறித்தும் விசாரணைகள் நடைபெற்று வருகின்றன.

இந்த குழுவில் முன்னாள் நாடாளுமன்ற உறுப்பினர்கள் மற்றும் அமைச்சர்கள் உட்பட சுமார் 60 அரசியல்வாதிகள் அடங்கியுள்ளனர்.

அதிகார துஷ்பிரயோகம் மற்றும் நிதி முறைகேடுகள் தொடர்பாக 16 முன்னாள் அமைச்சரவை அமைச்சர்களுக்கு எதிராக நேரடி விசாரணைகள் நடத்தப்பட்டு வருகின்றன.

குற்றவாளிகளாக கண்டறியப்பட்டுள்ள அமைச்சர்கள்

கடந்த காலத்தில் நடத்தப்பட்ட விசாரணைகளின்படி, பல அரசியல்வாதிகளும் அவர்களது நெருங்கிய கூட்டாளிகளும் (முன்னாள் அமைச்சர்களின் மனைவிகள் மற்றும் குழந்தைகள் உட்பட) கைது செய்யப்பட்டுள்ளனர்.

மேலும், சுமார் 19 முன்னாள் அமைச்சர்கள் மற்றும் இராஜாங்க அமைச்சர்கள் நீதிமன்றத்தில் குற்றவாளிகளாக கண்டறியப்பட்டு தண்டனை விதிக்கப்பட்டுள்ளனர்.

சட்டத்தில் செய்யப்பட்டுள்ள புதிய திருத்தங்கள், இலஞ்சம், ஊழல் மற்றும் சட்டவிரோத சொத்துக்கள் தொடர்பான விசாரணைகளை நடத்துவதற்கு, இலஞ்சம் அல்லது ஊழல் குற்றச்சாட்டுகளை விசாரிக்கும் ஆணையத்திற்கு முழு அதிகாரங்களை வழங்கியுள்ளன.

அடுத்த சில மணி நேரங்களில் தீவிர சூறாவளி புயலாக வலுப்பெறும் முரசு! வானிலை மாற்றம் தொடர்பில் பொதுமக்களுக்கு எச்சரிக்கை

நள்ளிரவு முதல் எரிபொருள் விலை உயர்வு - முச்சக்கர வண்டி கட்டணங்களில் மாற்றம்